СБУ сарвала спробу прарыву войска РФ да Пакроўска

Затрыманы агент, які працаваў на ГРУ.

На Данеччыне Служба бяспекі Украіны затрымала агента вайсковай разведкі РФ, які збіраў інфармацыю аб пазіцыях украінскіх войскаў у раёне Пакроўска.

Яго звесткі павінны былі легчы ў аснову чарговага наступу акупантаў, паведамляе прэс-служба СБУ.

Контрразведка СБУ правяла паспяховую спецаперацыю паблізу лініі фронту, затрымаўшы расейскага агента, які працаваў на Галоўнае разведвальнае ўпраўленне РФ. Ім выявіўся 34-гадовы жыхар Мірнаграда, электрык паводле прафесіі, які чакаў «прыходу Расеі» ў рэгіён.

Паводле звестак следства, шпіёна завербаваў яго былы аднакласнік, які зараз ваюе на баку расейскіх войскаў на Усходзе Украіны. Галоўнай задачай памагатага акупантаў было ціхае патруляванне Пакроўска і прылеглых раёнаў з мэтай фіксацыі пазіцый Сіл абароны Украіны. Асаблівую цікавасць для ворага ўяўлялі каардынаты ўмацаваных раёнаў, запасных камандных пунктаў, а таксама складоў з боепрыпасамі.

Пасля кожнай «разведвылазкі» агент ГРУ сістэматызаваў сабраныя звесткі і перадаваў іх у выглядзе агентурных справаздач праз ананімныя чаты ў мэсэнджары.

СБУ своечасова выявіла актыўнасць здрадніка, задакументавала яго кантакты з куратарам з ГРУ і абясшкодзіла пагрозу. Акрамя таго, супрацоўнікі контрразведкі аператыўна абаранілі ўкраінскія абарончыя пазіцыі ў раёне Пакроўска.

Падчас вобыску ў затрыманага канфіскаваны мабільны тэлефон з зашыфраванай перапіскай, у якой ён каардынаваў дзеянні з прадстаўнікамі акупацыйных сіл.

Памагатаму акупантаў абвешчана падазрэнне па частцы 2 артыкула 111 КК (дзяржаўная здрада ва ўмовах ваеннага становішча). Ён знаходзіцца пад вартай і можа атрымаць пажыццёвае зняволенне з канфіскацыяй маёмасці. Аперацыя была праведзеная сіламі СБУ ў Данецкай і Луганскай абласцях пры працэсуальным суправаджэнні Данецкай абласной пракуратуры.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com