NYT: Кітайцы патанаюць у запазычаннях
8- 6.08.2025, 11:47
- 5,146
Пекін актыўна стымулюе эканоміку за кошт спажывецкага крэдытавання.
Кітайскія ўлады імкнуцца ажывіць эканоміку, якая знаходзіцца ў заняпадзе ўжо чатыры гады, заклікаючы грамадзян менш адкладаць і больш выдаткоўваць. Рэгулятары настойваюць на пашырэнні спажывецкага крэдытавання, а банкі - на больш гнуткіх умовах выплат. Аднак многія кітайцы баяцца браць новыя пазыкі, асцерагаючыся пазыковай пасткі, піша The New York Times (пераклад - сайт Charter97.org).
З 2021 да 2024 года аб'ём спажывецкіх ашчаджанняў у Кітаі вырас на 50 працэнтаў. Але ў гэты ж перыяд колькасць нявернутых крэдытаў амаль падвоілася. Паводле звестак кансалтынгавай кампаніі Gavekal Dragonomics, у 2023 годзе ад 25 да 34 мільёнаў чалавек не змаглі выплаціць свае пазыкі - удвая больш, чым у 2019 годзе. З улікам пратэрмінаваных, але яшчэ не дэфолтных крэдытаў, колькасць рызыкоўных пазычальнікаў дасягае 83 мільёнаў.
Моладзь, беспрацоўныя і фрылансеры асабліва ўразлівыя. Многія бяруць пазыкі на паўсядзённыя патрэбы праз папулярныя анлайн-сэрвісы, нават не ведаючы працэнтных ставак. Адсутнасць у Кітаі сістэмы асабістага банкруцтва робіць немагчымым спісанне даўгоў, а калектарам часта ўдаецца абысці абмежаванні, палохаючы даўжнікоў званкамі і пагрозамі.
Урад прапануе ініцыятывы кшталту "крэдытнай амністыі", але іх рэалізацыя ідзе марудна. Тым часам пачуццё роспачы сярод пазычальнікаў нарастае.
Экспэрты папярэджваюць, што спробы стымуляваць спажыванне праз рост пазык - "як піць яд ад смагі". Без развязання фундаментальных праблем - стагнацыі даходаў, беспрацоўя і слабой сістэмы сацыяльнай падтрымкі - пазыковая яма будзе толькі расці.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
