У Крамлі заявілі, што перадалі Ўіткафу «сігналы» адносна Украіны і атрымалі адказ ад Трампа.

Вашынгтон разглядае новыя санкцыі за адмову спыніць агрэсію.

Паводле вынікаў сустрэчы кіраўніка Крамля Уладзіміра Пуціна са спецпрадстаўніка ЗША Стывам Уіткафам, памочнік расейскага дыктатара Юры Ушакоў заявіў, што размова была «канструктыўная і карысная», паведамляе расейскае прапагандысцкае агенцтва ТАСС.

Адзначаюць, што падчас перамоваў абмяркоўвалі «ўкраінскі крызіс» [вайна Расеі супраць Украіны].

Расея перадала ЗША "сігналы па ўкраінскім пытанні", атрымаўшы ў адказ "сігналы" ад Дональда Трампа, сказаў памочнік Пуціна.

Ушакоў таксама заявіў, што Пуцін валодае "поўнай інфармацыяй ва ўкраінскім пытанні".

Памочнік расейскага дыктатара сцвярджае, што абмяркоўвалі і "перспектывы развіцця стратэгічнага супрацоўніцтва паміж ЗША і Расеяй".

Раней расСМІ паведамілі, што 6 жніўня ў Маскве адбылася сустрэча спецпрадстаўніка прэзідэнта ЗША Дональда Трампа Стыва Уіткафа і расейскага дыктатара Уладзіміра Пуціна. Яна доўжылася амаль тры гадзіны.

Уіткаф прыбыў у Расею раніцай у сераду, 6 жніўня. У аэрапорце яго сустрэў прадстаўнік Расеі ў пытаннях інвестыцый Кірыл Дзмітрыеў.

Уіткаф чатыры разы наведваў Маскву ў 2025 годзе, апошні раз - 25 красавіка.

29 ліпеня прэзідэнт ЗША заявіў, што ў расейскага дыктатара ёсць 10 дзён, да 8 жніўня, каб спыненіць агонь ва Украіне, інакш ЗША ўвядуць дадатковыя санкцыі супраць Масквы і другасныя абмежаванні для краін, якія купляюць расейскую нафту.

1 жніўня Трамп пацвердзіў, што ЗША ўвядуць санкцыі супраць Расеі, калі яна не захоча спыняць вайну да 8 жніўня. Трамп выказаў меркаванне, што Пуцін "дастаткова добра разбіраецца ў санкцыях" і ведае, як іх пазбегнуць.

Таксама амерыканскі прэзідэнт заяўляў, што пастанову адносна ўльтыматуму прыме пасля таго, як з Масквы вернецца яго спецпрадстаўнік Уіткаф.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com