Што трэба ведаць беларусам пра змены у польскім законе аб замежніках

Асноўныя палажэнні.

Урад Польшчы зацвердзіў праект зменаў у законе аб замежніках і некаторыя іншыя законы. У публічным доступе - асноўныя палажэнні дакумента. Іх прааналізавалі юрысты праекта Partyzanka.

Заявы на ВНЖ - праз анлайн-модуль.

Усе заявы на часовыя або пастаянныя ВНЖ і карты доўгатэрміновага рэзідэнта ЕЗ трэба будзе падаваць выключна анлайн - праз сістэму MOS II (Модуль Абслугоўвання Справаў).

На думку Рады міністраў, такая пастанова павінна скараціць злоўжыванні з боку пасярэднікаў, паскорыць працэдуры і палепшыць абмен інфармацыяй паміж ваяводствамі і Агенцтвам унутранай бяспекі.

Змены для ўкраінцаў пад часовай абаронай

Грамадзяне Украіны праз MOS змогуць падаць заяву на трохгадовы ВНЖ, каб перайсці з часовага статуса. Урад бачыць у гэтым зніжэнне нагрузкі на сістэму сацыяльнай дапамогі.

Пастанова аб дэпартацыі - хутчэй і прасцей

Праект прадугледжвае, што апавяшчэнне абавязку пакінуць Польшчу будзе дастаўленае, калі пастанову адправяць на e-mail або праз сістэму ePUAP.

Калі іншая дзяржава ЕЗ ужо прыняла пастанову аб вяртанні замежніка, Польшча не будзе выносіць сваю асобную пастанову, а прызнае пастанову іншай краіны. Гэта паскорыць выкананне пастаноў аб вяртанні, выдадзеных іншымі краінамі ЕЗ.

Змены набудуць моц пасля публікацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com