Зяленскі: Падобна, цяпер Расея больш настроеная на перамір'е

Прэзідэнт анансаваў сустрэчу дарадцаў у нацыянальнай бяспецы Украіны і партнёраў.

Прэзідэнт Украіны Уладзімір Зяленскі пасля тэлефанавання з Дональдам Трампам і еўрапейскімі партнёрамі заявіў, што, здаецца, цяпер Расея больш настроеная на спыненне агню. Пра гэта кіраўнік дзяржавы расказаў у вечаровым звароце.

«Мы абмеркавалі, што гучала ў Маскве. Падобна, Расея цяпер больш настроеная на спыненне агню. Ціск на іх спрацоўвае, але галоўнае, каб яны не падманулі нас у дэталях – ні нас, ні Злучаныя Штаты», – расказаў кіраўнік дзяржавы.

Паводле ягоных словаў, Украіна прапанавала, каб у найбліжэйшы час дарадцы ў нацыянальнай бяспецы яе і партнёраў правялі перамовы для вызначэння агульнай пазіцыі.

«Для нас, для Украіны гэта вельмі важна. Украіна сапраўды абароніць сваю незалежнасць. Нам усім патрэбны доўгі і надзейны мір. Расея павінна скончыць вайну, якую сама і пачала», – падкрэсліў прэзідэнт.

Ва Украіне афіцыйна няма пасады дарадцы ў пытаннях нацыянальнай бяспекі, але звычайна ягоныя функцыі выконвае кіраўнік Офіса прэзідэнта Андрэй Ярмак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com