«Расею сціраюць з карты свету»

У найбліжэйшыя гады можа знікнуць амаль 130 гарадоў РФ.

Расейскія гарады, асабліва ў глыбінцы, пачнуць масава знікаць з твару зямлі праз дрэннае фінансаванне, паведаміў ваенны экспэрт Алег Жданаў. Каб працягваць вайну, Пуціну даводзіцца скарачаць выдаткі на іншыя патрэбы.

У выніку ў Расеі ўжо не засталося некалькіх галін эканомікі, а хутка краіна застанецца і без больш чым сотні сваіх гарадоў.

«У найбліжэйшыя гады з карты Расейскай Федэрацыі можа знікнуць амаль 130 гарадоў у Масковіі. Бачыце, а Пуціну патрэбныя новыя тэрыторыі. Мала яму сваёй. Замест таго каб ратаваць гэтыя 130 гарадоў, ён ваюе. У найбольш уразлівым становішчы знаходзяцца гарады Бранскай, Наўгародскай, Кіраўскай абласцей і Краснаярскага краю, дзе назіраецца дэфіцыт унутраных рэсурсаў і складанасці з залучэннем замежнага фінансавання. Будзеце смяяцца, але адным з першых можа знікнуць Ніжні Тагіл Свярдлоўскай вобласці», — здзівіў навіной ваенны экспэрт.

Пры гэтым Жданаў падкрэсліў: «Расейская Федэрацыя ўсе грошы кінула на вайну. У гэтых гарадах недафінансаванне бюджэту. Ім няма за што жыць, а знаходзяцца яны, як правіла, дзесьці там, у глушы, куды давезці прадукты, падвесці камунальныя паслугі надзвычай цяжка. Газу там, вядома ж, няма. Расейская Федэрацыя — газавая краіна, але, на маю думку, яна больш чым на 70% не газіфікаваная. Акрамя буйных гарадоў, газу няма амаль нідзе. Затое газаправодаў... Каму хочаце газ, толькі не сабе. Вось гэтыя гарады і паміраюць, а Пуціну галоўнае — захапіць Данецкую вобласць, а яшчэ хоча Херсонскую і Запарожскую, але не дачакаецца».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com