Трамп патрабуе адстаўкі гендырэктара Intel

Праз сувязі з кітайскімі кампаніямі.

Прэзідэнт ЗША Дональд Трамп у чацвер запатрабаваў адстаўкі генеральнага дырэктара Intel Ліп-Бу Тана ў сувязі з устурбаванасцю ягонымі сувязямі з кітайскімі кампаніямі.

Трамп заявіў у сацыяльнай сетцы Truth Social:

«Генеральны дырэктар Intel знаходзіцца ў сур'ёзным канфлікце інтарэсаў і павінен сысці ў адстаўку неадкладна. Іншага развязання гэтай праблемы няма»

Як адзначаюць у Axios, патрабаванне прагучала праз дзень пасля таго, як сенатар Том Котан з Арканзаса накіраваў ліст Радзе дырэктараў Intel з выказваннем занепакоенасці сувязямі Тана з кітайскімі кампаніямі, якія маюць дачыненні з Камуністычнай партыяй і войскам КНР. У лісце сэнатар адзначае, што Тан кантралюе дзясяткі кітайскіх фірмаў і валодае дзелямі ў сотнях кітайскіх тэхналагічных кампаній, як мінімум восем з якіх звязаныя з Народна-вызваленчым войскам Кітая (НВАК).

Котан таксама адзначыў, што да прызначэння ў Intel Тан узначальваў Cadence Design Systems - кампанію, якая нядаўна прызнала сябе вінаватай у незаконным продажы тэхналогій амерыканскай вытворчасці, якія падпадаюць пад экспартны кантроль, структурам, звязаным з кітайскімі вайскоўцамі. Гэтыя парушэнні адбываліся падчас кіраўніцтва Тана кампаніяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com