У Чэхіі вылавілі рэкорднага сома даўжынёй амаль 2,7 метра

Фотафакт.

У вадасховішчы Вранаў каля Прагі прафесійны рыбак Якуб Вагнер вылавіў гіганцкага сома даўжынёй 2 метры 68 сантыметраў – гэта новы рэкорд для Чэхіі, піша BILD.

Паводле словаў рыбака, яму ўдалося злавіць рыбу ранняй раніцай – у цьмяным святле світання ён заўважыў «нешта цёмнае і велізарнае» каля сваёй надзьмуванай лодкі.

«Я ўпэўнены, што гэта адзін з самых вялікіх сомаў, якіх я бачыў у Еўропе. Барацьба з гігантам заняла амаль гадзіну – я ледзь трымаў вуду. Звычайна я спраўляюся з гэтым за 20 хвілінаў, але праз паўгадзіны я нават не бачыў сома. Ён быў не проста доўгі, ён быў жахліва велізарны», – сказаў Вагнер.

Рыбак прызнаўся ў сваім Instagram, што «ніколі не быў такім знясіленым». Калі выцягнуў трафей на бераг, дыхаў, «як пасля марафону».

Пасля вымярэнняў рэкардсмэна-сома выпусцілі назад у ваду. Вагнер падкрэслівае, што ніколі не забівае рыбу, якую ловіць.

Нагадаем, што ў канцы ліпеня партал Fishingby.com пісаў пра беларуску Кацярыну Варанцову, якая злавіла ў Прыпяці сома даўжынёй 2,25 метра.

У ліпені 2024 года ў Нёмане быў злоўлены двухметровы сом вагой 75 кг. А ў 2013 годзе жыхар Гомеля злавіў рыбу вагой 62 кілаграмы і даўжынёй 185 сантыметраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com