Літва канчаткова разрывае сувязь з энэргасістэмай Беларусі

Да канца 2026 года будзе дэмантаваная ўся інфраструктура.

Літоўскі аператар сістэмы перадачы электраэнэргіі Litgrid шукае выканаўцаў, якія дэмантуюць лініі электраперадачы з Беларуссю і Калінінградам, піша «Позiрк».

Арганізацыя паведаміла 8 жніўня, што цяпер гэтыя лініі «адключаныя і часткова разабраныя», але іх трэба будзе цалкам дэмантаваць. Выканаць асноўныя работы дэмантажу ліній з Беларуссю плануецца да канца 2026 года.

Гаворка ідзе пра 12 міжсістэмных ліній (напружаннем 330 кВ — 5, 110 кВ — 7).

6 жніўня гэтага года аператар ужо падпісаў дамовы падраду на дэмантаж паветраных ліній 330 кВ «Паставы-Ігналінская АЭС» і «Утэна — Паставы», а таксама двухланцужковай лініі 110 кВ «Ігналінская АЭС — Відзы/Ігналінская АЭС — Опса».

Абвешчаны тэндар на дэмантаж ліній 330 кВ «Алітус-Гродна», «Вільня — Маладзечна», «Пабрадзе — Падольцы» і 110 кВ «Салечнікі — Воранава», «Кальвеляй — Ашмяны», «Лейпалінгіс — Гародня», «Дыджаліс — Відзы».

«Дэмантаж апошніх ліній электраперадачы з Калінінградам і Беларуссю азначае заканчэнне гістарычнага этапу пераўтварэння інфраструктуры, які сімвалізуе наша поўнае далучэнне да электрычных сетак кантынентальнай Еўропы», — заявіў гендырэктар Litgrid Рокас Масюліс.

Нагадаем, 8 лютага 2025 года Літва, Латвія і Эстонія адключыліся ад электрычнага кальца БРЭЛЛ, якое злучала іх з энэргасістэмамі Беларусі і РФ, а на наступны дзень сінхранізаваліся з еўрапейскай кантынентальнай сеткай ENTSO-E.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com