Трамп абвесціў, што сустрэнецца з Пуціным 15 жніўня на Алясцы

Абраная вельмі сімвалічная тэрыторыя.

Прэзідэнт ЗША Дональд Трамп заявіў, што сустрэнецца з расейскім дыктатарам Уладзімірам Пуціным на Алясцы 15 жніўня

Пра гэта Трамп напісаў у Truth Social.

«Доўгачаканая сустрэча паміж мной, як прэзідэнтам ЗША, і прэзідэнтам Расеі Уладзімірам Пуціным адбудзецца ў наступную пятніцу, 15 жніўня 2025 года, у вялікім штаце Аляска», – напісаў Трамп.

Аднак, паводле ягоных словаў, далейшыя падрабязнасці сустрэчы пакуль не будуць раскрывацца.

Чаму Аляска

Пакуль невядома, чаму сустрэча Трампа і Пуціна адбудзецца менавіта на Алясцы.

Аднак варта нагадаць пра той гістарычны факт, што Аляска некалі належала Расейскай імперыі, якая пачала асвойваць гэтыя землі ў канцы XVIII стагоддзя. Асноўнай цікавасцю Расеі ў рэгіёне быў прыбытковы промысел марскіх коцікаў і выдраў. Аднак праз аддаленасць, складаныя ўмовы ўтрымання калоніі і памяншэнне прыбыткаў, імперыя пачала разглядаць продаж Аляскі як выгадны крок.

У 1867 годзе Расея прадала Аляску Злучаным Штатам за 7,2 мільёна даляраў у золаце, што ўважаецца за адну з самых выгадных угодаў у амерыканскай гісторыі.

Перадача тэрыторыі адбылася 18 кастрычніка таго ж года, калі над сталіцай калоніі быў спушчаны расейскі сцяг і ўзняты амерыканскі. Спачатку многія ў ЗША скептычна ставіліся да набыцця, называючы Аляску «пустыняй Сюарда» (у гонар дзяржаўнага сакратара Уільяма Сюарда, ініцыятара ўгоды). Аднак пасля знойдзеныя золата, нафта ды іншыя рэсурсы зрабілі край стратэгічна і эканамічна каштоўнай часткай ЗША.

На днях The New York Times са спасылкай на крыніцы паведаміла, што прэзідэнт ЗША Дональд Трамп мае намер сустрэцца з расейскім дыктатарам Уладзімірам Пуціным на наступным тыдні.

Пасля гэта пацвердзілі ў Белым доме.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com