NYT: Ці можа сустрэча Трампа і Пуціна прывесці да прарыву ў заканчэнні вайны?

Аналітыкі ўказалі на важныя моманты.

У пятніцу прэзідэнт ЗША Дональд Трамп абвясціў, што сустрэнецца з прэзідэнтам Расеі Уладзімірам Пуціным праз тыдзень, 15 жніўня, на Алясцы. Як піша The New York Times, сам факт таго, што амерыканскі прэзідэнт гатовы сустрэцца з Пуціным, уважаецца за дыпламатычную перамогу Крамля, аднак мала прыкметаў таго, што яна паўплывае на вайну ва Украіне.

Чаго Пуцін хоча ад сустрэчы?

Як адзначае NYT, магчыма, Пуцін выкарыстоўвае сустрэчу як чарговы спосаб замаруджвання часу, а таксама як спосаб паспрабаваць наладзіць напружаныя стасункі з Вашынгтонам.

«У шырэйшым сэнсе сустрэча адпавядае светапогляду Пуціна, паводле якога вялікія дзяржавы павінны самі вызначаць свае сферы ўплыву, падобна да таго, як Сталін сустракаўся з прэзідэнтам Франклінам Д. Рузвельтам і прэм'ер-міністрам Вялікай Брытаніі Уінстанам Чэрчылем у Ялце ў 1945 года, каб падзяліць пасляваенную Еўропу», – гаворыцца ў артыкуле.

Пуцін, хутчэй за ўсё, будзе абвяшчаць тыя ж максімалісцкія патрабаванні на любой сустрэчы з Трампам: абвясціць Усходнюю Украіну расейскай; не дапусціць уступлення Украіны ў NATO; не дапусціць пашырэння альянсу на тэрыторыі былога СССР; абмежаваць колькасць украінскіх узброеных сілаў і забяспечыць сяброўскія стасункі ўраду з Масквой.

Што пастаўлена на карту для Трампа?

Адным з перадвыбарных абяцанняў спадара Трампа было пакласці канец вайне ва Украіне цягам 24 гадзінаў. Гэты тэрмін даўно прайшоў, але ён па-ранейшаму ўважае сябе за майстра заключаць угоды. Ён таксама не хаваў свайго жадання атрымаць Нобелеўскую прэмію міру і звязваў атрыманне прэміі з ягонымі намаганнямі ва Украіне і ў іншых канфліктах.

Якія вагары ўздзеяння ёсць у ЗША на Расею?

Хоць Трамп прыгразіў Расеі жорсткімі прамымі і ўскоснымі санкцыямі, каб паспрабаваць пакласці канец вайне, ён прызнаў, што яны могуць не мець ніякага эфекту.

«Хоць папярэднія амерыканскія прэзідэнты, магчыма, і згаджаліся на сустрэчы ў якасці ўзнагароды за саступкі ў справе заключэння мірнага пагаднення, няма ніякіх прыкметаў таго, што Пуцін змяніў сваю пазіцыю і аспрэчвае любы такі зыход», – адзначае выданне.

Ці можа сустрэча прывесці да прарыву?

Адзін з галоўных удзельнікаў вайны – Украіна не будзе прысутная на сустрэчы. Трамп заявіў, што неўзабаве пасля гэтага сустрэнецца з Зяленскім, але гэтая адсутнасць ужо абмежавала вынікі. Еўропа, якая таксама моцна зацікаўленая ў зыходзе вайны, таксама не будзе прысутная.

Пры гэтым, нягледзячы на вялізныя страты і разбурэнні, якія вайна прынесла Украіне, апытанні паказваюць, што пераважная большасць украінцаў аспрэчвае ідэю тэрытарыяльных і іншых саступак, якія патрабуюцца Крамлём.

«Адмова абодвух бакоў ісці на саступкі доўгі час блакавала любыя спробы дасягнуць урэгулявання шляхам перамоваў, і цяпер прыкметаў аптымізму мала».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com