Мянчанка не дачакалася маршрутку і пастанавіла гэта так не пакідаць

У судзе разгарнулася цікавая гісторыя.

Не дачакаўшыся маршруткі на прыпынку, мянчанка праз суд атрымала з перавозніка кампенсацыю маральнай шкоды. Падрабязнасці гісторыі з незвычайным развіццём сюжэту агенцтву «Менск-Навіны» расказала юрыскансультантка Рэгіянальнага таварыства абароны спажыўцоў Настасся Рудак.

Жыхарка Менска была праездам у адным з райцэнтраў Віцебскай вобласці і праз мабільны дадатак набыла квіток на маршрутку дадому. У прызначаны час транспарт не прыйшоў, званкі аператару сітуацыю не растлумачылі. У выніку жанчына ўсё ж дабралася да Менска, але страціла 25 рублёў. Спробы высветліць у прыватнай фірмы-перавозніка прычыны збою выніку не далі.

Перавознік мог бы растлумачыць сітуацыю, напрыклад, паломкай маршруткі, папрасіць прабачэння і вярнуць грошы, але гэтага не адбылося. Тады мянчанка накіравала афіцыйную прэтэнзію з патрабаваннем не толькі вярнуць грошы, але і кампенсаваць маральную шкоду – 100 рублёў, што ў чатыры разы больш за кошт квітка. Паводле ейных словаў, пасля нез'яўлення маршруткі ёй давялося з багажом шукаць іншы транспарт, што дадало нязручнасцяў і стрэсу. Аднак прэтэнзія вярнулася з адзнакай «За незапатрабаваннем» – перавознік праігнараваў спробу завязаць зносіны.

Жанчына звярнулася па дапамогу ў таварыства абароны спажыўцоў, і першыя судовыя слуханні закончыліся на яе карысць – адказчык не з'явіўся, суд задаволіў патрабаванні цалкам. Аднак перавознік падаў заяву на перагляд, і на паўторнае паседжанне прыйшоў кіроўца. Ён прадставіў раздрукоўку з маршрутам руху мікрааўтобуса ў той дзень, паводле якога маршрутка нібыта пад'ехала да прыпынку своечасова.

Але, калі юрысты супаставілі прапанаваныя каардынаты з картай, высветлілася: мікрааўтобус насамрэч праязджаў міма патрэбнага прыпынку і спыняўся ў іншым месцы.

У выніку суд канчаткова стаў на бок пасажыркі, спагнаў з перавозніка ўсе заяўленыя сумы і выдаткі таварыства абароны спажыўцоў. Прапанова суддзі заключыць міравое пагадненне была адхіленая.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com