У ЕЗ зрабілі заяву аб праве Украіны на суверэнныя пастановы на перамовах з РФ

Еўразвяз будзе іх падтрымліваць.

Украіна на перамовах з РФ можа прымаць незалежныя суверэнныя пастановы. Еўрапейскі Звяз будзе іх падтрымліваць.

Пра гэта заявіла спікерка Еўракамісіі Арыяна Падэста ў каментары, які ёсць у распараджэнні РБК-Украіны.

Адзначым, што сёння прадстаўнікі Брытаніі, Еўропы, Украіна і ЗША сустрэнуцца ў Лондане, каб узгадніць пазіцыі перад самітам прэзідэнта ЗША Дональда Трампа і расейскага дыктатара Уладзіміра Пуціна аб міры ва Украіне.

Падэста паведаміла, што кіраўніца Еўракамісіі Урсула фон дэр Ляен кантактавала з лідарамі ЕЗ у рамках падрыхтоўкі сённяшняй сустрэчы прадстаўнікоў у Брытаніі. Акрамя таго, яна будзе падтрымліваць з імі сталы кантакт і пасля сустрэчы.

Таксама Арыяна Падэста зрабіла заяву наконт суверэнных пастаноў Украіны на перамовах з Расеяй.

- ЕЗ працягвае падтрымліваць мірныя перамовы па спыненні агрэсіўнай вайны Расеі, з удзелам Украіны, падчас якіх Украіна можа прымаць незалежныя суверэнныя пастановы, якія ЕЗ будзе падтрымліваць, - сказала яна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com