Абвешчаныя пераможцы тэлевізійнай прэміі Emmy

У лідарах па ўзнагародах — брытанскі міні-серыял.

На цырымоніі ўручэння прэмій Emmy за найлепшыя англамоўныя тэлевізійныя працы сёлета найбольш узнагарод — шэсць — сабраў брытанскі міні-серыял Adolescence, а яго акцёр Оўэн Купер стаў наймаладзейшым у гісторыі ўладальнікам прэміі Emmy, паведамляе BBC.

Adolescence («Пераходны ўзрост») выйшаў у сакавіку гэтага года на Netflix. Гэта чатырохсерыйная псіхалагічная драма пра забойства ў школе, знятая брытанцамі на чале з рэжысёрам Філіпам Баранціні.

15-гадовы Оўэн Купер атрымаў прэмію як найлепшы акцёр другога плана ў міні-серыяле. Прэмію за найлепшае выкананне галоўнай ролі ў міні-серыяле прысудзілі Стывену Грэму за ролю ў тым жа Adolescence.

Найлепшым поўнафарматным серыялам на штогадовай цырымоніі ў Лос-Анджэлесе прызналі амерыканскі «медыцынскі» серыял The Pitt пра работнікаў бальніцы ў Пітсбургу, а заняты ў ім Ноа Ўайл стаў найлепшым выканаўцам галоўнай мужчынскай ролі.

Другі сезон The Pitt выйшаў на HBO Max.

Найлепшым камедыйным серыялам прызналі The Studio («Кінастудыя»), зроблены канадскім камікам Сэтам Рогенам з паплечнікамі, і дадаткова да гэтага Роген атрымаў Emmy і як найлепшы выканаўца галоўнай мужчынскай ролі ў камедыі.

«Кінастудыя» выйшла ў сакавіку на Apple TV+.

Найлепшай актрысай — выканаўцай галоўнай ролі — сёлета стала амерыканка Брыт Лоўэр, якая грае ў фантастычным серыяле «Severance» («Раздзяленне»).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com