Вага школьнага заплечніка шасцікласніка шакіравала беларусаў
11- 16.09.2025, 11:24
- 4,352
Разгарэлася абмеркаванне.
Беларуска ўзважыла школьны заплечнік вучня шостага класа — відэа пра гэта набыло папулярнасць у TikTok. Сам заплечнік з падручнікамі «пацягнуў» больш як на 4 кг, а агульная ноша (відаць, разам са зменкай або спартыўнай формай) склала каля 5,5 кг. У каментарыях разгарэлася абмеркаванне.
Як сцвярджае беларуска, нарматыў вагі поўнага заплечніка для шасцікласніка — да 2,5 кг. Аднак у дзіцяці загружаны заплечнік «пацягнуў прыкладна на 4,7 кг», а агульная ноша вучня склала каля 5,5 кг — разам з шоперам (магчыма, там зменка або спартыўная форма).
Паводле нормаў сам заплечнік для пачатковых класаў павінен важыць да 700 г, для сярэдніх і старэйшых — да 1 кг. Маса штодзённага камплекту падручнікаў з пісьмовымі прыналежнасцямі без заплечніка: I–II класы — да 1,5 кг, III–IV класы — да 2 кг, V–VI класы — да 2,5 кг, VII–VIII класы — да 3 кг, IX–XI класы — да 3,5 кг.
То-бок для шасцікласніка максімальная вага загружанага заплечніка паводле нормаў — 3,5 кг.
@sanie_o_zhizni Адказ карыстальніку @user7456590773947 ♬ Respect Yourself - DJ BoBo
Каментатары ўзяліся за развагі і ўспаміны, сярод папулярных меркаванняў — такія:
«Саннормы, па ходу, дзейнічаюць у школах толькі ў бок гаджэтаў. Такую вагу, на жаль, носіць і пачатковая школа. Плюс для іх толькі тое, што яны ў адным класе ўвесь дзень».
«У 10–11-х класах класная кіраўніца дазволіла пакідаць падручнікі ў класе, і гэта было самае лепшае рашэнне — спіна не стамлялася ад цяжару, брала з сабою толькі сшыткі і канцэлярыю. А да 9-га класа заўсёды насіла падручнікі ў школу, і, відаць, таму спіна цяпер баліць, школу скончыла тры гады таму».
«Такое ўражанне, што пра гэтыя нормы ў курсе толькі бацькі. Я ўжо некалькі гадоў пра гэта думаю. Мне самой цяжка заплечнік падняць, а дзіця носіць яго цэлы дзень».
«Пры гэтым замяніць падручнікі планшэтам — нельга!»
«Дзяржава дбае пра здароўе падрастаючага пакалення…»
«Мы носім планшэт з мінулага года. Але сёлета настойваюць, каб былі медыцынскія паказанні. Тыпу — спачатку зарабіце скаліёз, а потым носіце планшэт».
«Чаму нельга прыдумаць планшэт накшталт электроннай кнігі, дзе будуць загружаныя ўсе падручнікі, — і ўсё?»
Аўтарка адказала, што ў сям'і якраз вырашылі паспрабаваць варыянт з планшэтам, а ўвогуле «добра было б мець у школе індывідуальныя шафкі». Пазней яна паказала планшэт з падручнікамі, але без SIM-карты і Wi‑Fi, адзначыўшы, што «такі планшэт, як і электронная кніга, дапушчальныя».
На прэтэнзіі пра лішнія рэчы ў заплечніку і яго вялікую вагу яна зняла «распакоўку», дзе паказала, што ўнутры падручнікі і сшыткі, а пусты заплечнік важыць каля 900 г.
«Выконванне нарматываў дапамагае пазбегнуць траўмуючага ўздзеяння на плечы.
Важныя наяўнасць артапедычнай спінкі, святлоадбіўных элементаў, а таксама рэгуляваных рамянёў», — нагадваў Мінздароўя летась.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
