У Беларусі завязлі сотні польскіх фур

Перавозчыкі баяцца, што іх могуць канфіскаваць.

Некалькі сотняў польскіх грузавікоў засталіся на беларускім баку пасля закрыцця 12 верасня польска-беларускай мяжы. Яны не могуць пакінуць Беларусь праз іншыя краіны. Перавозчыкі баяцца, што транспартныя сродкі могуць канфіскаваць, і спрабуюць дамовіцца з беларускай мытняй, распавёў MOST прадстаўнік польскай кампаніі-перавозчыка, знаёмы з сітуацыяй.

З красавіка 2022 года ЕС увёў санкцыі, забараніўшы беларускім і расійскім перавозчыкам ажыццяўляць рэйсы па сваёй тэрыторыі. Беларусь увяла сіметрычныя меры ў дачыненні да еўрапейскіх кампаній. У выніку перавозкі паміж Беларуссю і ЕС ажыццяўляюцца метадам перагрузкі/перачапкі. Напрыклад, фура на польскіх нумарах едзе да транспартна-лагістычнага цэнтра (ТЛЦ) на мяжы, а адтуль груз забірае цягач на беларускіх або расійскіх нумарах і выконвае рэйс па Беларусі, Расіі і гэтак далей. Каб ад ТЛЦ дабрацца да пункта пропуску на мяжы з Літвой або Латвіяй, давялося б ехаць па тэрыторыі Беларусі, а гэта забаронена.

Вадзіцелі пакідалі фуры ў тэрмінале і з'язджалі на радзіму

— У людзей засталіся фуры. Ніякага выйсця. Пайдуць у даход дзяржавы, бо парушаны рэжым часовага ўвоза, — разважае крыніца MOST.

Па ягоных даных, перавозчыкі накіравалі ліст у Мытны камітэт Беларусі, але зваротнай сувязі пакуль не атрымалі.

Акрамя таго, паводле яго звестак, актуальная і зваротная праблема: 11 верасня вадзіцелі фур — грамадзяне Беларусі, — разумеючы, што не паспеюць прайсці мяжу ў беларускім напрамку, пакідалі фуры ў тэрмінале і з'язджалі на радзіму як фізасобы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com