З расійскіх крам пачалі знікаць тавары

Ці вяртаюцца часы дэфіцыту?

Расійскія крамы скарацілі асартымент: у ліпені прадуктаў харчавання стала меней на 2,3%, а нехарчовых тавараў — на 1,8% у параўнанні з аналагічным месяцам мінулага года, піша «Коммерсантъ» са спасылкай на даследаванне кампаніі «Нільсен». Найбольшае падзенне зафіксавана ў сегментах алкагольных напояў, дзіцячых тавараў і сродкаў па доглядзе за тварам — на 5,6%, 5,1% і 7,3% адпаведна. Удзельнікі рынку тлумачаць тэндэнцыю памяншэннем гандлёвых плошчаў крам з-за дарагой арэнды і змяненнем спажывецкіх звычак расіян, што прымушае пакідаць на паліцах толькі найбольш запатрабаваныя пазіцыі.

У X5 Group («Пятерочка», «Перекресток») паведамілі, што з пачатку вайны супраць Украіны асартымент у іх крамах у сярэднім скараціўся на 15–20%. Улетку кампанія пачала пераходзіць на невялікія фарматы, запусціўшы «Перекресток Select»: плошча кожнай крамы складае каля 400 м² — утройчы меншая, чым у звычайных супермаркетаў сеткі. Падобныя меры прыняў «Магнит», адкрыўшы крамы фармату ultra-convenience пад новым брэндам «Заряд от Магнита» плошчай усяго 100 м². У «Ленте» таксама пацвердзілі курс на скарачэнне і аптымізацыю: на паліцах пакідаюць толькі найбольш папулярныя тавары, а вызваленыя плошчы аддаюць пад сэрвісы і субарэнду. Акрамя таго, новыя гіпермаркеты сеткі значна меншыя за тыя, якія кампанія адкрывала раней.

Па падліках Infoline, са студзеня па ліпень сярэдняя плошча прадуктовых крам змяншылася на 0,7%, да 312 м². «Цяпер рытэйлеры дайшлі да той кропкі, у якой можна рабіць высновы пра поспяховасць раней запушчаных марак, і ва ўмовах абмежаванасці палічнай прасторы выводзяць з паліц тыя, што не карыстаюцца папулярнасцю ў пакупнікоў», — адзначае дырэктар па працы з кліентамі «Нільсен» Салтанат Нысанава.

Фармат гіпермаркетаў саступае месца кампактным крамам «каля дома» і пунктам з высокай доляй гатовай ежы, кажа партнёр кансалтынгавай кампаніі One Story Вольга Сумішэўская. Паводле яе слоў, найчасцей у такіх крамах адна патрэба закрываецца адной пазіцыяй, што дазваляе адмовіцца ад менш папулярных тавараў.

Расіяне ўсё больш эканомяць на таварах паўсядзённай неабходнасці з-за імклівага росту цэн, які нават паводле афіцыйных даных Расстата з пачатку вайны дасягае 40%. Так, 58% грамадзян свядома адмаўляюцца ад пэўных тавараў, якія набывалі раней, 57% імкнуцца знайсці аналагі ў больш нізкіх цэнавых катэгорыях, а амаль палова (49%) выбіраюць для пакупак хард-дыскаўнтары, паказала даследаванне «Роміра».

Паводле афіцыйных даных, на канец жніўня рост цэн склаў 8,3% у параўнанні з мінулым годам і 4,10% з пачатку года. Найбольш падаражэлі мяса, бензін і бытавыя паслугі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com