Журналіста Ігара Ільяша прысудзілі да чатырох гадоў турмы

Сваю віну ён не прызнаў.

Журналіста Ігара Ільяша прысудзілі да чатырох гадоў пазбаўлення волі за каментары і інтэрвію незалежным беларускім і замежным СМІ. Менавіта такі тэрмін для яго патрабаваў пракурор, паведамляе «Радыё Свабода».

Ільяша затрымалі ў кастрычніку 2024 года і абвінавацілі ў «дыскрэдытацыі Беларусі» (арт. 369−1 КК) і «садзейнічанні экстрэмісцкай дзейнасці» (ч. 2 арт. 361−4 КК). Па гэтых артыкулах яму пагражала да шасці гадоў пазбаўлення волі.

Працэс над журналістам пачаўся 21 лютага 2025 года ў Мінскім гарадскім судзе, але ўжо ў сакавіку быў прыпынены для правядзення псіхалінгвістычнай экспертызы. Суд адхіліў клопатанне абароны аб правядзенні экспертызы ў Дзяржаўным камітэце судовых экспертыз і прызначыў экспертам прафесара БДУ Сяргея Лябядзінскага, вядомага сваёй дзейнасцю ў арганізацыях, якія прасоўваюць ідэі «рускага свету».

Працэс аднавілі 4 верасня. Прысутным агучылі высновы эксперта. У прыватнасці, Лябядзінскі заявіў, што журналіст не павінен ужываць тэрмін «палітвязні», бо яго няма ў беларускім заканадаўстве, а замест слова «дыктатура» прапаноўваў выкарыстоўваць больш «нейтральныя» фармулёўкі.

Сам Ільяш у апошнім слове адхіліў абвінавачанні і не прызнаў сваёй віны.

Ігар Ільяш — журналіст і муж журналісткі Кацярыны Бахвалавай (Андрэевай), якая знаходзіцца ў калоніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com