Беларуска падзялілася «найбольш абсурдным» спосабам, як трапіць у Польшчу
1- 16.09.2025, 13:35
- 8,688
Жанчыне давялося змяніць тры віды транспарту.
Адна з карыстальніц TikTok падзялілася «найбольш абсурдным» спосабам, як беларусам трапіць у Польшчу пасля поўнага закрыцця наземных межаў. Для таго, каб трапіць з Мінска ў польскі Гданьск, жанчыне давялося змяніць тры віды транспарту і істотна выдаткавацца на квіткі, але да месца прызначэння яна-такі дабралася, піша telegraf.news.
@elena_misukevich Падрабязней - у маім інстаграме. #шэнген #мяжабеларусьпольшча #падарожжы ♬ арыгінальны гук - Elena Misukevich Trip
Пасля таго, як на мінулым тыдні польскія ўлады на нявызначаны тэрмін закрылі апошні дзейны памежны пераход для беларускіх аўтамабілістаў — «Тэрэспаль» (з беларускага боку — «Брэст»), жанчыне, якая планавала падарожжа ў Еўропу праз Польшчу, давялося рэзка перабудаваць свой маршрут. Замест таго, каб паспрабаваць удачу на іншым участку наземнай мяжы і выехаць у ЕС праз Літву або Латвію, беларуска вырашыла зрабіць крук па паветры. У выніку жанчына набыла квіток на самалёт у расійскі Калінінград.
«У першы дзень анонсу закрыцця беларуска-польскай мяжы квіткі яшчэ каштавалі па-божаму», — расказала аўтарка роліка. Паводле яе слоў, квіток абышоўся ёй у 395 рублёў - у адзін канец.
«Як мінімум, гэта было прыгожа — зверху можна было бачыць Балтыйскае мора і славутую Куршскую косу», — падзялілася сваімі ўражаннямі ад такога павароту маршруту ў Польшчу жанчына.
У Калінінградзе яна з аэрапорта на таксі даехала да аўтавакзала, а ўжо адтуль - на аўтобусе да польскага Гданьска, за што ёй давялося выкласці яшчэ 40 еўра.
«Вядома, давялося патлумачыць, чаму я лечу ў Партугалію са славацкай візай», — расказала аўтарка роліка пра тое, як ёй давялося тлумачыцца на расійска-польскай мяжы, якая, у адрозненне ад беларускай, засталася адкрытай на час вучэнняў «Захад-2025».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
