Беларусь накрые мокры снег?
2- 16.09.2025, 14:48
- 12,228
Сіноптыкі назвалі дату, калі ў краіну можа прыйсці зіма.
Да канца першага восеньскага месяца ў Беларусь можа прарвацца халоднае арктычнае паветра. Пра гэта папярэдзілі аўтары тэматычнага Telegram-канала Nadvorie. Паводле іхніх звестак, 30 верасня ў тыле цыклону над поўначчу краіны, то бок у Віцебскай вобласці, магчымыя ападкі ў выглядзе мокрага снегу.
«30 верасня ў наш рэгіён паспрабуе прарвацца Арктыка. У тыле цыклону па поўначы Беларусі ўжо магчымы мокры снег», – адзначылі спецыялісты. Разам з тым яны падкрэслілі: да пазначанай даты яшчэ 15 дзён, і на такім тэрміне прагноз застаецца вельмі недакладным. Паводле слоў сіноптыкаў, падобныя сцэнарыі могуць істотна змяняцца ў залежнасці ад дынамікі атмасферных працэсаў.
Зіма 2025–2026 года можа апынуцца маласнежнай і адносна цёплай для Беларусі. Пра гэта сведчаць папярэднія даныя Еўрапейскага цэнтра сярэднетэрміновых прагнозаў надвор'я (ECMWF), на якія спасылаецца папулярны Telegram-канал Nadvorie. Атрымліваецца, на Новы год беларусы зноў застануцца без снегу?
У прыватнасці, Nadvorie апублікавала сезонныя разлікі ECMWF, выкананыя ў ліпені, жніўні і верасні. Мадэлі ахопліваюць перыяд з лістапада 2025 года па студзень 2026 года. І, паводле бягучых даных, перспектывы для аматараў класічнага зімовага надвор'я з марозамі і гурбамі выглядаюць несуцяшальна. Ці гэта дзіўна?..
«У апошнім прагнозе на наш усходне-еўрапейскі рэгіён распаўсюджваецца анамалія высокага ціску, што можна інтэрпрэтаваць як сігнал да маласнежнай зімы», – адзначылі аўтары тэматычнага Telegram-канала. Разам з тым яны прызналі, што папярэднія сезонныя прагнозы варта разглядаць з асцярожнасцю. Усё яшчэ можа змяніцца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
