У Гомелі прадаюць піваварню з 30-гадовай гісторыяй

Колькі каштуе бізнес.

На адной з гандлёвых пляцовак з’явілася аб’ява аб продажы піваварні ў Гомелі з 30-гадовай гісторыяй.

Ідзе гаворка пра прадпрыемства, якое варыць напой пад брэндам Becker.

У апісанні аб’явы, размешчанай каля месяца таму, пазначана, што абсталяванне на прадпрыемстве нямецкай вытворчасці. Працэс варкі аўтаматызаваны: усё кіруецца праграмным забеспячэннем.

Фабрыка аснашчана наступным: тут ёсць драбілка, варны цэх, кампрэсарная, мернік, два цыліндра-канічныя танкі (ЦКТ) галоўнага браджэння, тры ЦКТ даброджвання, камплект кегаў, інвентар для гандлёвых кропак.

Адзначаецца, што ўсё ў працоўным стане:

«Піваварню праектавалі, усталёўвалі і запускалі спецыялісты з Германіі. Нямецкі півавар асабіста навучаў нашага варшчыка, які і сёння застаецца ля стырна вытворчасці».

Піваварня вырабляе 9000 літраў піва ў месяц. На прадпрыемстве, як гаворыцца ў аб’яве, працуюць «надзейныя і адданыя людзі», якія гатовыя працягваць працу з новым уладальнікам.

Кошт пытання — Br2,036 млн.

Дарэчы, на пляцоўцы ёсць і іншыя аб’явы пра продаж гатовага бізнесу. Сярод іншага — вытворчасць драўляных пазлаў у Мінску, дрэваапрацоўчае прадпрыемства ў Докшыцах або вытворчая база ў Дзяржынску.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com