Кіраўнік МЗС Беларусі накінуўся на Польшчу

Максім Рыжанкоў абвінаваціў польскія ўлады ў «імперскіх амбіцыях».

«Асобныя польскія палітыкі» спрабуюць рэалізаваць «польскія, імперскія амбіцыі» праз меры «эканамічнага і палітычнага ціску». Такую заяву зрабіў міністр замежных спраў Беларусі Максім Рыжанкоў, піша БелТА.

— На жаль, даводзіцца канстатаваць, як асобныя польскія палітыкі і сёння глядзяць на беларусаў зверху ўніз, спрабуючы рэалізаваць, але ўжо праз меры эканамічнага і палітычнага ціску, тыя польскія, імперскія амбіцыі, — адзначыў кіраўнік беларускага знешнепалітычнага ведамства.

Рыжанкоў прапанаваў тым, хто яму не верыць, «проста паехаць і паглядзець сітуацыю на мяжы, як здзекуюцца з нашых грамадзян і як да іх ставяцца, паглядзець, што сёння мяжа ўвогуле закрытая — усё гэта пад выглядам незразумелых нам увогуле алгарытмаў, што выходзяць за межы здаровага сэнсу».

Нагадаем, 9 верасня прэм’ер-міністр Польшчы Дональд Туск абвясціў пра рашэнне цалкам закрыць мяжу з Беларуссю апоўначы з 11 на 12 верасня. Ён патлумачыў гэты крок «ростам колькасці правакацый з боку Расіі і Беларусі» і сумеснымі ваеннымі вучэннямі «Захад-2025».

Мяжа была закрытая на нявызначаны тэрмін. Міністр унутраных спраў і адміністрацыі Польшчы Марцін Кервіньскі, які падпісаў адпаведную пастанову, падкрэсліў, што польскі бок не мае намеру «трымаць мяжу закрытай нават адзін дзень без неабходнасці».

12 верасня Максім Рыжанкоў заявіў, што Польшча адновіць працу пунктаў пропуску на мяжы з Беларуссю пасля завяршэння расійска-беларускіх сумесных вучэнняў «Захад-2025».

— Нікуды яны не дзенуцца. Яны мяжу адкрыюць. Бо насамрэч, як я цяпер мяркую, сваё першае заданне яны выканалі — узнялі гэтую сітуацыю на мяжы да неверагодных вышынь, — заявіў кіраўнік МЗС Беларусі.

Па стане на вечар 17 верасня Польшча мяжу з Беларуссю так і не адкрыла.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com