ГУР Украіны стварыў падраздзяленне з прадстаўнікоў карэнных народаў РФ

Мэта падраздзялення — распад РФ і стварэнне незалежных нацыянальных дзяржаў на яе былой тэрыторыі.

Галоўнае ўпраўленне разведкі Міністэрства абароны Украіны і рэкрутынгавая платформа Lobby X пачалі кампаніі па пошуку кандыдатаў сярод карэнных народаў РФ для баявога падраздзялення «Номад» у складзе Міжнароднага легіёна. Пра гэта 17 верасня паведаміла ў Facebook прэс-служба ГУР.

Гаворка, у прыватнасці, пра прадстаўнікоў карэнных народаў Расіі цюркскага і мангольскага паходжання: татараў, башкіраў, калмыкаў, алтайцаў і якутаў, якія пражываюць на тэрыторыі Украіны.

«Імперская палітыка Масквы стагоддзямі будавалася так, каб пазбавіць іх палітычнай суб’ектнасці, асіміляваць і выкарыстоўваць у якасці «штурмавога мяса» ў бясконцых заваёўніцкіх войнах», — гаворыцца ў паведамленні ГУР.

У вайсковай разведцы распавялі, што падраздзяленне «Номад» было створана на пачатку гэтага года. Яго мэта — распад РФ і стварэнне незалежных нацыянальных дзяржаў на яе былой тэрыторыі. Яно пераважна складаецца з вайскоўцаў калмыцкага, татарскага, башкірскага і якуцкага паходжання.

«Калі вы з’яўляецеся прадстаўніком аднаго з карэнных народаў РФ і хочаце далучыцца да падраздзялення «Номад», — дасылайце сваё рэзюмэ на адну з вакансій па спасылцы https://nomad.lobbyx.army/», — заклікалі ў ГУР.

У Цэнтры супрацьдзеяння дэзінфармацыі пры Радзе нацыянальнай бяспекі і абароны Украіны паведамлялі, што з 2022 года Расія адпраўляе на вайну ва Украіну прадстаўнікоў карэнных народаў нацыянальных рэспублік і аддаленых рэгіёнаў. Яшчэ тады рэгіёнамі-лідарамі па колькасці загінулых на тысячу насельніцтва былі Паўночная Асеція, Бурятыя, Тыва, Дагестан, Інгушэція, Чукотка і Паволжжа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com