Палітолаг: этап кіравання Лукашэнкі будзе ўспрымацца як фарс

Старога сабаку новым трукам не навучыш.

Палітолаг Аркадзь Мошэс распавёў у каментары для gazetaby пра тое, ці варта чакаць умяшання Кітая на польска-беларускай мяжы і якую памылку робіць Лукашэнка.

— Калі б ён паглядзеў на свет крыху інакш, у тым ліку вачыма кітайцаў, яму варта было б неадкладна завяршыць аперацыю «Мігранты». Падаць гэта так, што дзеля захавання транзіту, добрых адносін з Кітаем і паляпшэння кепскіх, але неабходных адносін з Еўропай, ён на гэта ідзе.

Хаця Польшчы, дарэчы, гэтага будзе недастаткова — спіс Радаслава Сікорскага змяшчае выразныя пазіцыі: Анджэй Пачобут, ксёндз Генрых Акалотовіч, патэнцыйна могуць узнікнуць і больш сур'ёзныя пытанні пра ролю Каталіцкага Касцёла ў Беларусі.

Тым не менш, калі б Лукашэнка паспрабаваў урэгуляваць беларуска-польскі крызіс, перастаў быць ваенным прыдаткам Расіі — магчыма, нешта і атрымалася б. Але ён ідзе, як яму здаецца, больш лёгкім шляхам, не разумеючы, што ніхто цяпер не будзе выбудоўваць новую вялікую геапалітычную парадыгму ў выніку вызвалення двух дзесяткаў закладнікаў.

Недарэмна кажуць, што старога сабаку новым трукам не навучыш. Для Беларусі тое, што адбываецца, — трагедыя, а для будучых падручнікаў гісторыі гэты этап кіравання Лукашэнкі будзе ўспрымацца як фарс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com