У Гродне памёр панк-музыкант — стваральнік вядомай пляцоўкі
- 18.09.2025, 10:34
- 4,744
Развітанне адбудзецца 19 верасня ў храме Мікалая Цудатворца.
Гродзенскі панк-музыкант Дзмітрый Карповіч памёр 17 верасня 2025 года. Развітанне з ім адбудзецца 19 верасня ў храме Мікалая Цудатворца на вуліцы Філарэта, 1/1, піша Hrodna.life са спасылкай на знаёмых Карповіча.
Дзмітрый Карповіч — прадстаўнік панк-сцэны Гродна. Іграў у гурце «Твой город». У 2008 годзе музыкант стаяў каля вытокаў стварэння «ДК імя Грэка» — месца, дзе праводзіліся андэрграўндныя канцэрты.
Першапачаткова гэта была рэпетыцыйная кропка, якая ператварылася ў пляцоўку для канцэртаў. У «ДК» прыязджаў мінскі панк-гурт «Бостонское чаепитие», выступалі гродзенскія гурты «В.К.Л.» і «КальЯн».
Аналізуючы ўклад «ДК» у развіццё гродзенскай незалежнай сцэны, лідар гурта «Прощай Привычка» Яўген Нікіцін адзначаў, што пляцоўка стала для яго адпраўной кропкай: «Энергетычна ў гэтага месца быў магніт, і гэта выяўлялася ў тым, што ты туды мог прыйсці не па нейкай прычыне, а проста так».
Стылістычных рамак, якія б стрымлівалі музыкантаў, не існавала. «Адзінай умовай для правядзення канцэрта была наяўнасць электрычнасці ў разетках, добры настрой выступоўцаў і такі ж настрой у слухачоў», — кажа Нікіцін.
Пляцоўка праіснавала да 2012 года. Потым будынак, дзе знаходзілася рэпкропка, знеслі для будаўніцтва дарожнай развязкі. Паводле слоў Нікіціна, працэс закрыцця быў «вялацякучым». Канчатковыя даты ліквідацыі некалькі разоў пераносілі: «Сказаць, што было балюча — гэта значыць нічога не сказаць, нам болей не было дзе спяваць».
У 2017 годзе фатограф Яўген Кандратовіч арганізаваў выставу, прысвечаную гісторыі пляцоўкі «ДК». Таксама ў адзіным экзэмпляры была выдадзена кніга, у якую ўвайшло 70 фота.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
