Назвалі прадукт, які аздаравіць мозг пасля алкаголю

Навукоўцы правялі эксперымент на мышах.

Навукоўцы з універсітэта Ланьчжоў (Кітай) выявілі, што малако яка можа змякчаць наступствы хранічнага ўжывання алкаголю, у тым ліку пашкоджанні мозгу. Вынікі эксперымента на мышах апублікаваныя у часопісе Food & Function.

Даследаванне паказала, што малако яка зніжае трывожнасць і запаленне ў арганізме, а таксама абараняе нервовыя клеткі ад акісляльнага стрэсу. Найбольшы эфект назіраўся ў жывёл, якім давалі вялікія дозы прадукту.

Дадатковыя эксперыменты паказалі, што малако яка ўплывае не толькі на мозг, але і на кішэчнік. Яно змяняе склад мікрабіёты, змяншаючы колькасць бактэрый, асацыяваных з запаленнем і дэпрэсіўнымі станамі. Пры гэтым у арганізме павышаецца ўзровень біялагічна актыўных рэчываў, якія аказваюць ахоўнае дзеянне на нервовую сістэму. Таксама было зафіксавана зніжэнне актыўнасці бялкоў TLR4 і NF-κB, якія адыгрываюць ключавую ролю ў запаленчых працэсах мозгу.

Паводле слоў даследчыкаў, эфект малака яка можа быць звязаны з яго ўплывам на так званую кішэчна-мазгавую вось. Падкрэсліваецца, што пакуль ідзе гаворка пра вынікі эксперыментаў на жывёлах, аднак яны адкрываюць новыя перспектывы для вывучэння ўласцівасцей гэтага прадукту і яго ўздзеяння на псіхічнае і неўралагічнае здароўе людзей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com