Лукашэнка дабівае беларускі спорт

Спартсмены могуць застацца без спонсараў.

Лукашэнка падпісаў новы ўказ «Аб аказанні падтрымкі спартыўным арганізацыям».

Згодна з ім, спартыўныя федэрацыі могуць атрымліваць субсідыі з рэспубліканскага бюджэту, а клубы па гульнявых і негульнявых відах спорту — з мясцовых бюджэтаў.

Пры гэтым скасоўваюцца падатковыя льготы па падатку на нерухомасць, зямельным падатку і падатку на прыбытак для спонсараў, якія вырашаць падтрымаць спартсменаў, заўважыла «Еўрарадыё».

Рэгуляванне памеру субсідый, сукупнай падтрымкі ад дзяржаўных арганізацый у форме спонсарскай дапамогі, рэкламы і іншага, а таксама памераў заробкаў кіраўнікоў федэрацый, спартсменаў, трэнераў і іншых спецыялістаў будзе ажыццяўляць урад.

Парадак выдачы і памер прызавых па выніках спартыўнага сезона таксама будзе вызначаць урад. Міністэрства спорту будзе кантраляваць, як федэрацыі і клубы выкарыстоўваюць сродкі падтрымкі ад дзяржаўных арганізацый.

Пры гэтым указ не абмяжоўвае магчымасць клубаў самастойна распараджацца заробленымі грашыма і спонсарскай дапамогай, атрыманай ад прыватных арганізацый. Але ці шмат застанецца спонсараў, калі прыватныя фірмы не змогуць атрымаць падатковыя льготы?

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com