Беларускага школьніка адправілі ў СІЗА

Ён занадта часта біўся.

У Ленінскім РАУС Гродна 18 верасня сабраліся школьнікі і студэнты каледжаў. Прыйшлі яны сюды, праўда, не на экскурсію.

З урокаў іх адпусцілі, каб яны паглядзелі на публічнае затрыманне аднагодка. Пра гэта распавядае мясцовы тэлеканал.

Так, разам з кампаніяй падлетак-парушальнік парадку без прычыны збіваў аднагодкаў.

Напрыклад, у міліцыі распавялі, што на гарадскім свяце ў пачатку восені школьнік каля лялечнага тэатра напаў на іншага непаўналетняга.

Пры гэтым раней падлетак ужо прыцягваўся да адказнасці. У адносінах да яго ўзбуджалі крымінальную справу за аналагічнае правапарушэнне.

«Працэс узяцця пад варту праходзіў адкрыта ў Ленінскім РАУС у прысутнасці школьнікаў і студэнтаў гродзенскіх каледжаў, каб гэты выпадак стаў урокам для іншых», — адзначылі журналісты.

Па артыкуле за хуліганства, учыненае паўторна групай асоб, юнаку прад'яўлена абвінавачанне, па якім пакаранне можа складаць ад арышту да пазбаўлення волі на тэрмін ад аднаго да шасці гадоў.

Расследаванне працягнецца 2 месяцы, на працягу якіх школьнік будзе знаходзіцца ў СІЗА гродзенскай турмы №1.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com