Беларусаў папярэдзілі пра новы каранавірус

Ён змяняе голас.

Намесніца міністра аховы здароўя — галоўны дзяржаўны санітарны ўрач Беларусі Святлана Нечай распавяла пра «стратус» — падварыянт каранавіруса SARS-CoV-2 з лініі амікрон. Паводле намесніцы міністра аховы здароўя, з'яўленне «стратуса» — гэта звычайны жыццёвы цыкл любога віруса, які змагаецца за сваё існаванне і змяняе свае ўласцівасці, паведаміла агенцтва БелТА.

Паводле даных міністэрстваў аховы здароўя суседніх краін, дзе гэты від каранавіруса цыркулюе, нейкіх асаблівасцяў у «стратуса» амаль няма. Але ёсць такія прыкметы, як змена голасу, ахрыпласць або асіпласць. Гэты падварыянт не выклікае больш цяжкіх захворванняў, сур'ёзных ускладненняў, але адрозніваецца больш высокай заразнасцю.

У Беларусі пры маніторынгу новы штам «стратус» не выявілі.

Меры прафілактыкі тыя ж:

рэгулярнае мыццё рук,

калі адчуваеце сябе дрэнна, варта застацца дома і сачыць за сімптомамі (пры неабходнасці — звярнуцца да лекара),

рэгулярна праветрываць памяшканне,

праводзіць вільготную прыборку.

Нечай спрагназавала «пэўны рост захворвальнасці» віруснымі інфекцыямі на верасень. «Але карціну фармуюць негрыпозныя вірусы: гэта рынавірусы, адэнавірусы, рэспіраторна-сінцытыяльны вірус і іншыя», — распавяла галоўны дзяржаўны санітарны ўрач.

Яна заклікала беларусаў запланаваць вакцынацыю супраць грыпу на кастрычнік–лістапад, бо гэта час найбольш спрыяльны для фармавання ўстойлівага імунітэту.

«Стратус» (XFG) упершыню выяўлены ў пачатку 2025 года ў Паўночнай Амерыцы і Азіі. СААЗ прызнае яго хуткае распаўсюджанне, але пакуль не бачыць прыкмет больш цяжкага плыню хваробы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com