Паўмільёна папулярных павэрбанкаў рызыкуюць выбухнуць

Гаджэты такіх мадэляў можна набыць і ў Беларусі.

Вядомы вытворца тэхнікі Anker адклікае амаль паўмільёна партатыўных павэрбанкаў пасля дзясяткаў паведамленняў пра перагрэў і ўзгаранне гаджэтаў.

Пра гэта паведамляе тэлеканал FOX 10 са спасылкай на паведамленне Камісіі ЗША па бяспецы спажывецкіх тавараў (CPSC).

Вядома, што толькі ў ЗША адкліканню падлягаюць каля 481 тыс. адзінкаў пяці розных мадэляў, вырабленых Anker Innovations у Кітаі.

Эксперты кажуць, што літый-іённыя акумулятары ўнутры прылад могуць перагравацца, ствараючы пагрозу ўзгарання і апёкаў.

Кампанія атрымала 33 паведамленні пра інцыдэнты з перагрэвам, у тым ліку выпадкі, калі павэрбанкі выбухалі. Прынамсі чатыры карыстальнікі паведамілі пра нязначныя апёкі, а адзін заявіў аб значнай маёмаснай шкодзе.

Адкліканне распаўсюджваецца на мадэлі павэрбанкаў Anker A1647, A1652, A1257, A1681 і A1689.

Спажыўцам настойліва рэкамендуецца неадкладна спыніць выкарыстанне адкліканых прылад.

Адзначым, што такія павэрбанкі прадаюцца і ў Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com