Дроны накрылі «дачу ФСБ» у Крыме

Там былі «важныя госці».

У часова акупаваным Крыме была атакаваная так званая «дача ФСБ». У нядзелю ўвечары прагрымелі выбухі ў раёне санаторыя «Форос», які звязваюць з расійскімі спецслужбамі, у прыватнасці там неаднаразова адпачываў крэмлёўскі дыктатар Уладзімір Пуцін, перадае «Дыялог».

Расійскія прапагандысцкія СМІ пішуць пра атаку беспілотнікаў і паведамляюць, што ў выніку ўдараў могуць быць забітыя і параненыя.

Мінабароны РФ, у сваю чаргу, паведамляе пра нібыта збітыя ўкраінскія БПЛА над Чорным морам і непасрэдна Крымскім паўвостравам.

Вяртаючыся да «Фороса» і атакі на гэты аб’ект, ёсць адзін важны нюанс. Паводле інфармацыі расійскіх СМІ, у нядзелю ў рэстаране дадзенага санаторыя павінна было прайсці нейкае закрытае мерапрыемства, а на сайце ўстановы было пазначана, што 21 верасня рэстаран закрыты на «спецабслугоўванне».

Са свайго боку Telegram-канал «Крымскі вецер» піша са спасылкай на сваю крыніцу, што ў нядзелю «ў санаторыі знаходзіліся вельмі важныя госці». Прылёт па гэтым аб’екце быў а 19:30.

Тым часам Telegram-канал CyberBoroshno публікуе фота пажару з суседняга з Форосам пасёлка Санаторнае.

У Генштабе ЗСУ і ГРУ пакуль не рабілі заяў аб тым, што адбываецца ў Крыме.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com