Копішча, Сціклева, Гатава, Бараўляны, Сеніца не ўвойдуць у склад Мінска

Чаму?

У Мінску падведзены вынікі абмеркавання новай рэдакцыі генеральнага плана сталіцы.

Гараджан цікавяць пытанні жыллёвага будаўніцтва, лёс прыватнага сектара і развіццё транспартнай інфраструктуры. За два тыдні абмеркаванняў у раённыя адміністрацыі паступіла 212 зваротаў ад жыхароў.

Падрабязнасці расказалі «Мінск-Навіны».

Старшыня камітэта архітэктуры і горадабудаўніцтва Мінгарвыканкама Віктар Гуцько адзначыў, што многія гараджане пажадалі азнаёміцца з праектам асабіста.

Для гэтага была арганізавана выстава ў адміністрацыі Маскоўскага раёна, дзе спецыялісты «Мінскграда» давалі неабходныя тлумачэнні.

«Раней такой колькасці пісьмовых зваротаў адносна праекта генплана не паступала», — пракаментаваў Гуцько.

Адна з тэм, якая выклікала найбольшы інтарэс у жыхароў, — уключэнне ў склад горада шэрагу населеных пунктаў, размешчаных побач з Мінскам, такіх як Копішча, Сціклева, Гатава, Бараўляны і Сеніца.

На савеце падкрэслілі, што такія рашэнні прымаюцца толькі па ўзгадненні з дыктатарам і пры наяўнасці эканамічных абгрунтаванняў для аб’яднання. На дадзены момант у гэтым няма неабходнасці.

Аднак застаецца актуальным пытанне стварэння камфортных умоў для жыцця ў малых населеных пунктах, бо існуе значная розніца ў сацыяльных стандартах паміж сталіцай і невялікімі паселішчамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com