Закрыццё мяжы з Польшчай нанесла ўдар па «Беларуськалію»

Прадпрыемства нясе каласальныя страты.

З 12 верасня 2025 года польскія ўлады цалкам закрылі мяжу з Беларуссю. Гэтае рашэнне было звязанае з буйнымі ваеннымі вучэннямі «Захад-2025» і магчымымі пагрозамі бяспецы Польшчы. Пад забарону трапілі і ключавыя чыгуначныя пераходы, у тым ліку брэсцкі, што прывяло да фактычнага прыпынку транзітнага руху па маршруце Кітай — Еўропа праз беларускую тэрыторыю. «Супольнасць чыгуначнікаў Беларусі» ацэньвае страты, якія пры гэтым нясуць беларускія прадпрыемствы.

Для Беларускай чыгункі такая сітуацыя адразу азначала вялікія страты.

Кожны кантэйнерны цягнік перавозіць у сярэднім каля 120—130 кантэйнераў, і хоць беларускі бок атрымлівае толькі 10—15 % ад кошту перавозкі, агульныя неатрыманыя даходы могуць дасягнуць 40—50 мільёнаў долараў ужо да канца верасня.

На чыгуначных станцыях Беларусі сабраліся некалькі дзесяткаў саставаў, якія не могуць перайсці мяжу. Частка з іх афіцыйна лічыцца «кінутымі» цягнікамі, але цягнікі, што стаяць у Брэсце, у такі статус яшчэ не перавялі, адпаведна яны не пераведзеныя ў зону адстою і таму павялічваюць фактычную нагрузку.

Дадатковыя цяжкасці стварае ўнутраная сітуацыя на самой Беларускай чыгунцы. З-за вялікіх запазычанасцяў перад «Белнафтахімам» пастаўкі дызельнага паліва былі абмежаваныя, і ўжо некалькі тыдняў галіна працуе ў «рэжыме эканоміі». Гэта ўплывае на рух цеплавозаў і ўскладняе эксплуатацыйную дзейнасць у цэлым.

Закрыццё мяжы закранула і інтарэсы галоўнага беларускага экспарцёра — «Беларуськалія». Кампанія выкарыстоўвала пустыя кантэйнеры, што вярталіся з Еўропы, каб адпраўляць угнаенні ў Кітай. Цяпер гэты паток спыніўся, і ўзнік дэфіцыт тары.

У выніку прадпрыемства павінна або набываць кантэйнеры ў Расіі па больш высокіх цэнах, або скарачаць экспарт. Гэта робіць пастаўкі менш гнуткімі і павялічвае сабекошт прадукцыі, што пагаршае пазіцыі беларускага калію на азіяцкім рынку, дзе і так існуе моцная канкурэнцыя з боку Расіі і Канады.

Хаця на ўзроўні чутак называюцца магчымыя даты частковага аднаўлення руху праз брэсцкі пераход у канцы верасня (26–28-га), афіцыйнага пацвярджэння гэтаму пакуль няма. Калі ж блакада зацягнецца, то праблема можа перарасці з часовай у сістэмную: Беларусь страціць частку транзітных кантрактаў, якія пераарыентуюцца на іншыя маршруты, а «Беларуськалій» яшчэ мацней будзе залежаць ад расійскіх партоў і інфраструктуры.

Такім чынам, закрыццё польскай мяжы стала ўдарам адразу па двух важных напрамках — транзіце паміж Кітаем і Еўропай і беларускім экспартам калійных угнаенняў. А для эканомікі краіны гэта азначае рост выдаткаў, страту гібкасці і яшчэ большую залежнасць ад Расіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com