Названыя простыя прыёмы, якія зберагуць ваш IPhone

Некалькі простых правілаў дапамогуць зберагчы батарэю і падоўжыць працу гаджэта на гады.

Смартфоны Apple заўсёды адрозніваліся не толькі прэміяльнай якасцю, але і высокай цаной. Таму, вядома, хочацца, каб дарагі гаджэт праслужыў як мага даўжэй.

Нават у флагманскіх смартфонаў ёсць пэўны часавы парог, нагадвае slashgear.com. У цэлым iPhone можа служыць каля трох гадоў.

Тут ёсць пэўныя варыяцыі: напрыклад, акумулятары iPhone 14 і больш ранніх мадэляў захоўваюць 80% сваёй ёмістасці пасля 500 цыклаў зарадкі, а вось батарэі iPhone 15 і больш позніх мадэляў захоўваюць 80% першапачатковай ёмістасці ўжо пасля 1000 цыклаў. iPhone атрымліваюць абнаўленні цягам 6–8 гадоў.

Але мадэль вашага смартфона нават не такая важная, як правільнае яго выкарыстанне і выкананне пэўных правілаў догляду. Такім чынам вы можаце падоўжыць жыццё вашага гаджэта. Выданне называе некалькі гэтых базавых правілаў.

Старайцеся не пакідаць тэлефон зараджацца на ноч і не зараджаць яго да 100%. Узровень зараду акумулятара iPhone варта падтрымліваць у межах ад 20% да 80%.

Выкарыстоўвайце ахоўныя плёнкі і чахлы, каб зберагчы iPhone ад магчымых падзенняў і драпін.

Забяспечце смартфону своечасовую чыстку: перыядычна трэба ачышчаць вентыляцыйныя адтуліны, раздымы зарадкі і іншыя дробныя адтуліны. Яны могуць забівацца пылам, і з-за гэтага iPhone пачне працаваць некарэктна.

Своечасова абнаўляйце праграмнае забеспячэнне і сачыце за станам сховішча. Бо чым больш у вас даных, тым больш інтэнсіўна даводзіцца працаваць вашаму тэлефону, а гэта скарачае тэрмін службы працэсара і аператыўнай памяці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com