У Расіі затрымалі другога за тыдзень шпіёна з кітайскім прозвішчам

Справа праходзіць пад грыфам «цалкам сакрэтна».

У панядзелак, 22 верасня, у базе Лефортаўскага раённага суда Масквы зарэгістравалі справу аб падаўжэнні тэрміну арышту чалавека з прозвішчам Чыжэн, які абвінавачваецца ў шпіянажы, паведамляе РБК.

Паводле даных «РИА Новости», узяты пад варту мужчына — замежнік. Яго справа праходзіць пад грыфам «цалкам сакрэтна», і звестак пра падрабязнасці выстаўленага абвінавачання, як і пра месца затрымання фігуранта, няма. Пасяджэнне па справе Чыжэна адбудзецца 25 верасня ў Маскве.

Справу разглядае суддзя Лефортаўскага суда. Калі менавіта адбыўся арышт, невядома. Раней інфармацыю пра затрыманага, якому інкрымінуюць артыкул 276 Крымінальнага кодэкса (шпіянаж), не публікавалі. Згодна з палажэннямі КК РФ, абвінавачанаму пагражае пазбаўленне волі ў калоніі тэрмінам ад 10 да 20 гадоў, а калі злачынства пацягнула шкоду ў асабліва буйным памеры або ўчынена групай асоб, падсудны можа атрымаць і пажыццёвае пазбаўленне волі. Таксама артыкул прадугледжвае штрафы да некалькіх мільёнаў рублёў.

15 верасня «Коммерсант» паведамляў пра з'яўленне ў картатэцы Лефортаўскага суда запісу пра арышт замежнага грамадзяніна Ван Ю.Ч. У катэгорыі справы было пазначана, што суд разглядаў хадайніцтва аб падаўжэнні тэрміну ўтрымання пад вартай па крымінальнай справе аб шпіянажы. Справу таксама пазначылі грыфам «цалкам сакрэтна», нагадвае The Moscow Times.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com