Латвія затопіць асушаныя балоты на мяжы з Беларуссю

Дзеля бяспекі.

Міністэрства абароны Латвіі паведаміла, што падтрымлівае «аднаўленне гістарычных месцаў здабычы торфу» і ператварэнне іх зноў у «балотныя экасістэмы» — каб яны служылі натуральнымі бар'ерамі на ўсходняй мяжы з Расіяй і Беларуссю. Такія балоты могуць сур'ёзна ўскладніць прасоўванне бранятэхнікі і пяхоты і прымусіць іх перамяшчацца па аўтадарогах, дзе яны будуць лёгкай мішэнню.

У савецкія гады ва ўсходніх рэгіёнах Латвіі вялася актыўная здабыча гаручага торфу: ён выкарыстоўваўся і для працы электрастанцый, і для абагрэву дамоў. Пасля ўступлення Латвіі ў ЕС здабыча торфу была амаль спыненая — у рамках агульнаеўрапейскай палітыкі па скарачэнні шкодных выкідаў і пераходзе на «чыстую» энергію. Сёння ў Латвіі торф здабываюць у значна меншых аб'ёмах, чым раней, і прадаюць яго пераважна як угнаенне для садоўнікаў.

Шмат якія балоты, дзе здабывалі торф, за апошнія дзесяцігоддзі высахлі. Аднак латвійскія вайскоўцы падтрымліваюць ідэю зноў іх затапіць — у рамках падрыхтоўкі да магчымага ваеннага канфлікту з Расіяй, які яны ацэньваюць як даволі верагодны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com