The NYT: Бацьку Ілона Маска абвінавачвалі ў гвалце над яго дзецьмі і падчарыцай

Сам Эррол адмаўляе абвінавачанні.

Выданне The New York Times апублікавала расследаванне, у якім гаворыцца, што Эррол Маск сексуальна дамагаўся пяцярых сваіх дзяцей і падчарыцы пачынаючы прынамсі з 1993 года.

У 1993 годзе падчарыца Эррола Маска, якой тады было 4 гады, расказала сваякам, што ён дакранаўся да яе ў сямейным доме. Праз дзесяць гадоў яна расказала, што заўважыла, як айчым нюхаў яе брудную ніжнюю бялізну.

Некаторыя члены сям’і таксама абвінавацілі Эррола Маска ў аб’юзе ў дачыненні да дзвюх яго дачок і пасынка. А ў 2023 годзе члены сям’і і сацыяльны работнік паспрабавалі ўмяшацца пасля таго, як тады яшчэ 5-гадовы сын Маска сказаў, што бацька датыкаўся яго ягадзіц.

Паліцыя Паўднёва-Афрыканскай Рэспублікі распачала тры асобныя расследаванні — два з іх ужо завершаныя, а па трэцім невядома, чым яно скончылася. 79-гадовага Маска ні разу не прыцягвалі да адказнасці.

Вядома, што сваякі прасілі Ілона Маска ўмяшацца ў сітуацыю. У прыватнасці, у 2010 годзе адзін з членаў сям’і напісаў заснавальніку SpaceX ліст на пяць старонак, у якім адзначалася, што «дзеці штодня пакутуюць». Невядома, ці прачытаў ён яго; на ліст адказаў яго памочнік.

Мільярдэр аказаў фінансавую падтрымку былой мачасе і дзвюм зводным сёстрам, а таксама штомесяц дасылае грошы іншай зводнай сястры. Акрамя гэтага, ён спрабаваў перавезці сваю зводную сям’ю ў Каліфорнію.

У расследаваннях у Паўднёвай Афрыцы Ілон Маск удзелу не прымаў. Выданне меркуе, што гэтыя абвінавачанні паўплывалі на адносіны бацькі і сына.

У каментары для NYT Эррол Маск заявіў, што «гэтыя паведамленні з’яўляюцца ілжывымі і надзвычай недарэчнымі». Ён сказаў, што абвінавачанні былі сфабрыкаваныя членамі сям’і, якія «падбухторвалі дзяцей казаць няпраўду» і спрабавалі атрымаць грошы ад Ілона.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com