Зяленскі і Трамп сустрэліся ў Нью-Ёрку
24- 23.09.2025, 21:03
- 7,986
Першыя дэталі.
Прэзідэнт Украіны Уладзімір Зяленскі і яго амерыканскі калега Дональд Трамп сустрэліся ў Нью-Ёрку на палях 80-й сесіі Генеральнай асамблеі ААН.
Charter97.org публікуе галоўныя заявы ўкраінскага і амерыканскага лідараў.
Зяленскі заявіў, што Украіна змагла дэакупаваць 360 квадратных кіламетраў, а таксама ўзяць у палон больш за 1000 расійскіх вайскоўцаў.
«Нашы салдаты за апошні месяц занялі 360 кіламетраў і акружылі 1 000 салдат, вядома, мы хочам абмяняцца, але ў любым выпадку нам патрэбныя нашы салдаты», — сказаў Зяленскі.
Паводле слоў прэзідэнта ЗША, ён з вялікай павагай ставіцца да барацьбы, якую вядзе Украіна.
«Украіна цяпер вельмі паспяхова спыняе магутную расійскую армію. Мы з вялікай павагай ставімся да барацьбы, якую вядзе Украіна. Гэта проста ўражвае», — сказаў Трамп.
Таксама ў прэзідэнта ЗША спыталі пра найбольшы прагрэс у завяршэнні вайны з моманту яго апошняй сустрэчы з Зяленскім.
«Найбольшы прагрэс — тое, што расійская эканоміка цяпер у жахлівым стане. Яна руйнуецца. Шчыра кажучы, Украіна робіць вельмі добрую працу, калі спыняе гэтую вельмі вялікую армію (расійскую, — рэд.)», — сказаў прэзідэнт ЗША.
Журналісты спыталі ў Трампа, ці давярае ён па-ранейшаму расійскаму дыктатару Уладзіміру Пуціну.
Трамп адказаў, што дасць адказ праз месяц.
На думку прэзідэнта ЗША, ён можа паўплываць на тое, каб Венгрыя спыніла куплю расійскай нафты.
«Я думаю, што Орбан перастане купляць расійскую нафту, калі я з ім пагавару. Я з ім пагавару», — сказаў ён.
Таксама Трамп заявіў на сустрэчы з Зяленскім, што краіны НАТА павінны збіваць расійскія самалёты, калі тыя ўварвуцца ў іх паветраную прастору.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
