Lexus прыняў нечаканае рашэнне адносна сваёй самай першай мадэлі

Флагман сыходзіць?

Флагманскі седан Lexus LS неўзабаве пакіне рынак. Новае пакаленне прадстаўніцкай мадэлі не плануецца, замест гэтага выпусцяць яе развітальную версію.

Lexus ужо рыхтуецца да спынення выпуску LS у 2026 годзе і нават падрыхтаваў развітальную версію мадэлі Heritage Edition. Пра гэта паведамляе сайт Carscoops.

Прычына адмовы ад Lexus LS зразумелая — нізкі попыт на мадэль. Напрыклад, у ЗША за першае паўгоддзе гэтага года прадалі ўсяго 691 аўто — на 42,3% менш, чым за аналагічны перыяд мінулага года.

Вядома, седаны апошнім часам саступаюць па папулярнасці кросоверам, аднак у выпадку з Lexus LS сваю ролю адыграў вузкі мадэльны шэраг — гэтая мадэль мае значна менш версій і рухавікоў, чым Mercedes S-Class або BMW 7 Series.

Фінальны Lexus LS Heritage Edition выпусцяць абмежаванай серыяй у 250 аўто. Седан абсталяваны V6 твін-турба магутнасцю 416 к.с. і каштуе $99 280.

Усе Lexus LS Heritage Edition пафарбуюць у чорны колер, а іх салон аздобяць чырвона-чорнай скурай і замшай. Комплектацыю дапоўняць адмысловыя 20-цалевыя дыскі, панарамны дах, камеры кругавога агляду, падагрэў задніх сядзенняў і акустыка Mark Levinson з 24 дынамікамі.

Варта адзначыць, што менавіта з мадэлі LS пачыналася марка Lexus. Седан дэбютаваў у 1989 годзе і стаў першанцам прэміяльнага падраздзялення Toyota.

Усяго за 36 гадоў убачылі свет пяць пакаленняў Lexus LS. Цяперашняе пакаленне мадэлі выпускаецца з 2017 года.

Дарэчы, свой флагманскі седан зняла з вытворчасці і Subaru. Яго таксама выпускалі з 1989 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com