Трамп загадаў увесці войскі ў яшчэ адзін амерыканскі горад

Пасля Вашынгтана, Лос-Анджэлеса і Мемфіса войскі накіраваныя ў Портленд.

Прэзідэнт ЗША Дональд Трамп распарадзіўся накіраваць войскі ў горад Портленд на захадзе краіны, а таксама на аб’екты Службы іміграцыі і мытнага кантролю (ICE). Ён заявіў, што дазваляе прымяняць поўную сілу, калі гэта будзе неабходна, але не ўдакладніў, якім узбраеннем гэтыя войскі будуць забяспечаныя

«Па просьбе міністра ўнутранай бяспекі Крысці Ноэм я даручаю міністру вайны Піту Хегсету накіраваць усе неабходныя войскі для абароны змардаванага вайной Портленда і аб’ектаў ICE, якія знаходзяцца ў асадзе з боку Антыфа і іншых унутраных тэрарыстаў», — напісаў Трамп на платформе Truth Social.

Рашэнне Трампа аб увядзенні войскаў у Портленд стала ўжо чацвёртым па ліку пасля падобных дзеянняў у Лос-Анджэлесе, Вашынгтоне і Мемфісе.

Мэр Портленда Кіт Уілсан, прадстаўнік Дэмакратычнай партыі, раней выступаў супраць увядзення войскаў у горад і адзначаў, што ён не прасіў і не патрабуе ўмяшання федэральнай улады.

У Портлендзе каля офіса ICE пратэсты працягваюцца некалькі месяцаў. Яны выкліканыя абурэннем мерамі адміністрацыі Трампа супраць нелегальнай іміграцыі. У паведамленні Трампа не ўдакладняецца, якія войскі будуць задзейнічаныя ў гэтай аперацыі: Нацыянальная гвардыя ці рэгулярныя ўзброеныя сілы.

Яго заява з’явілася праз некалькі дзён пасля трагедыі ў Тэхасе, дзе ў выніку страляніны на аб’екце ICE загінулі два чалавекі, а адзін пацярпелы знаходзіўся ў крытычным стане.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com