Стала вядома, куды менавіта трапіла ракета «Арэшнік», запушчаная па Львове

Выданне Reuters даведалася пра месца ўдару.

Позна ўвечары 8 студзеня расійскія акупант ы ўдарылі балістычнай ракетай сярэдняй далёкасці «Арэшнік» па тэрыторыі Львоўскай вобласці.

Афіцыйнай інфармацыі пра месца траплення ракеты не было — ноччу паведамлялі пра трапленне ў аб’ект крытычнай інфраструктуры. Затое выданне Reuters даведалася пра месца ўдару.

Адзін з высокапастаўленых украінскіх чыноўнікаў на ўмовах ананімнасці заявіў, што ракета нібыта трапіла ў цэх дзяржаўнага прадпрыемства. Удар выклікаў «незначныя прабоіны ў бетонавых канструкцыях» і ўтварыў кратэры ў лясной мясцовасці.

У СБУ ў сваю чаргу заявілі, што Расія мела мэтай знішчыць грамадзянскую інфраструктуру ў рэгіёне на фоне «імклівага пагаршэння ўмоў надвор'я».

У расійскай заяве гаварылася, што вораг выкарыстаў ракету для ўдару па энергетычнай інфраструктуры і заводу, дзе вырабляліся дроны, якія выкарыстоўваліся падчас нападу на рэзідэнцыю Пуціна. Гэты напад назвалі адказам на атаку на рэзідэнцыю Пуціна, што абверглі і Украіна, і дадзеныя разведкі ЗША.

Еўрапейскія саюзнікі Украіны назвалі гэты ўдар, які прыйшоўся непадалёк ад мяжы з Польшчай, спробай запалохаць іх. Аднак аналітыкі, з якімі размаўлялі журналісты, лічаць, што мэтаю ўдару было запалохаць Украіну на вырашальным этапе перамоваў аб заканчэнні вайны.

На момант публікацыі навіны інфармацыя пра трапленне ў цэх дзяржаўнага прадпрыемства не каментавалася афіцыйнымі прадстаўнікамі ўлады або ваеннага камандавання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com