«Калі ў Іране ўпадзе дыктатура, вялікія праблемы ўзнікнуць і ў Лукашэнкі»
7- 11.01.2026, 22:57
- 19,342
Бежанец з Ірана распавёў, што цяпер адбываецца ў яго на радзіме.
34-гадовы Сеід эміграваў са свайго роднага горада Эзна ў Турцыю, а потым у Літву пасля падаўлення пратэстаў у 2019 годзе. Сёння ён прыняў удзел у акцыі салідарнасці са сваімі суайчыннікамі, якая прайшла ў цэнтры Вільнюса, і распавёў тэлеграм-каналу «Баста!» пра тое, як паўплывае падзенне дыктатуры ў ягонай краіне на Расію і Беларусь:
«Мы патрабуем сыходу Алі Хаменеі, Масуда Пезешкіяна, Махамада Пакпура. Мы патрабуем пакарання злачынцаў, якія на працягу дзесяцігоддзяў катавалі і забівалі нашых людзей. Мы патрабуем вызвалення тых, хто знаходзіцца ў турмах за тое, што выступалі супраць рэжыму. Мы патрабуем міру і бяспекі для нашых родных і блізкіх, якія засталіся ў Іране.
Але самае галоўнае — мы хочам звярнуць увагу вольнага свету на тое, што цяпер адбываецца ў нас на радзіме. Там забіваюць і калечаць людзей, прама цяпер, у гэтыя хвіліны. Хаменеі гатовы заліць гарады крывёю дзеля ўлады. Адключаны Інтэрнэт, я не магу атрымаць інфармацыю ад сваіх сваякоў, я не ведаю, жывыя яны ці не. Лёс Ірана цяпер у руках вольнага свету. Нашы людзі там робяць усё, што могуць, ідуць пад кулі, яны гатовы паміраць за свабоду, але нам патрэбная дапамога. Прама цяпер нам патрэбная дапамога Еўропы і ЗША, таму ўчора і сёння іранцы выйшлі на плошчы дзясяткаў гарадоў па ўсім свеце.
Мы ўсё роўна пераможам аятолаў, але пытанне ў цане гэтай перамогі, у колькасці ўратаваных жыццяў. А калі ў Іране ўпадзе дыктатура, вялікія праблемы ўзнікнуць у рэжымаў у Цэнтральнай Азіі, у Пуціна і тых, каго ён падтрымлівае, у тым ліку і ў Лукашэнкі».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
