У Віцебскай вобласці масава затрымліваюць заробкі сезонным работнікам аграрных прадпрыемстваў
- 11.01.2026, 22:42
- 1,314
Праблема цягнецца гадамі, але цяпер яна абвастрылася, як ніколі.
У Віцебскай вобласці абвастрылася праблема з затрымкай выплат людзям, якія працуюць у аграпрадпрыемствах не ў штаце, — так званым дагаворнікам, або работнікам па грамадзянска-прававых дагаворах. Праблема цягнецца гадамі, але цяпер, судзячы па паведамленнях з розных раёнаў, яна абвастрылася, як ніколі — затрымкі ахапілі многія раёны вобласці. Пра гэта са спасылкай на ўласныя крыніцы ў галіне піша тэлеграм-канал «Витебск, я гуляю!».
Паводле інфармацыі тэлеграм-канала, сігналы пра затрымкі заробкаў прыходзяць з Сянненскага, Браслаўскага, Лепельскага, Полацкага і Глыбоцкага раёнаў. У Сянненскім раёне сярод даўжнікоў называюць гаспадаркі «Ульяновичи», «Литусово», «Беленево», «Студенка», а таксама «Совхоз им. Машерова». У аграпрадпрыемствах «Браславский» (аграгарадок Мильки) і «Лепельское» (аграгарадок Большой Полсвиж), паводле слоў людзей, грошы не выдаюць яшчэ за верасень. У «Клястицах-Агро» — філіяле полацкай «Софийки» — паведамляюць пра нявыплаты за верасень—кастрычнік. Асобна згадваецца і глыбоцкая гаспадарка «Константинов Двор».
Таксама вядомыя выпадкі затрымак у Шумілінскім і Лёзненскім раёнах — людзі пішуць пра праблему, якая цягнецца яшчэ з жніўня 2025 года, але без удакладнення канкрэтных гаспадарак.
Нагадаем, сельская гаспадарка ў Віцебскай вобласці апошнім часам знаходзіцца пад пільнай увагай уладаў. На нарадзе 24 кастрычніка Лукашэнка паскардзіўся на «крыклівыя факты бязгаспадарчасці, разгільдзяйства» ў Віцебскай вобласці. Дыктатар між іншага звярнуў увагу на вялікі доўг рэгіёна і падзеж жывёлы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
