«Вось так выглядае халява»

Мінчукі выбудаваліся ў гіганцкую чаргу.

У Мінску заўважылі доўгую чаргу. Ля станцыі метро «Спартыўная» адкрыўся адзін з самых вялікіх фітнес-цэнтраў сталіцы.

Тут і можна было назіраць тоўпішча.

Журналісты вывучылі меркаванні беларусаў і паглядзелі, хто абураўся і чаму.

Любяць у чарзе пастаяць

У сацыяльнай сетцы Threads людзі актыўна абмяркоўвалі ўжо не першую такую вялікую чаргу ў Мінску.

Аўтарка тэмы — дзяўчына з нікам Ozhidanie — выклала фатаграфіі і ахарактарызавала сітуацыю.

- Вось так выглядае халява. Новая трэнажорная зала ў Мінску. Бясплатны пробны занятак. Радуе, што народ гатовы стаяць у чарзе не толькі за смажанкамі, — напісала яна.

Людзі пачалі актыўна каментаваць пост. Напрыклад, Im_luces адзначыла, што не разумее такія чаргі. Яна таксама спыталася: усе такія бедныя?

- Ці ж не шкада свайго часу? А ў тое, што гэтыя людзі, з чаргаў (!!!), бедныя і жабракі — ніколі ў жыцці не паверу. Хіба не такімі ж забіты ўсе «тэцэшкі» па выхадных і кавярні па вечарах? — абуралася яна.

А вось карыстальніца з нікам Alena.lumi параіла быць прасцей.

- Там у першыя тры дні зніжка 50% на абанементы і бясплатны пробны занятак. То-бок, каб ацаніць залу і вырашыць, ці будзеш браць абанемент, даводзіцца пастаяць у чарзе, — растлумачыла яна.

Са свайго боку Ninadives адзначыла, што людзі проста любяць у чарзе пастаяць.

Nikitos_22.11.22 быў больш катэгарычны.

- У ДНК беларусаў закладзеная халява, — упэўнены ён.

Пакрытыкаваў такую чаргу і карыстальнік з нікам Stimulakasl.

- На халяву людзі прыйшлі пазаймацца — сорам і ганьба. Потым большасць з іх не будуць хадзіць, бо будзе шкада грошай, — упэўнены каментатар.

А вось Denkirik выказаў супрацьлеглае меркаванне.

- Неважна, халява гэта ці не, радуе, што вельмі шмат моладзі хоча трэніравацца, — рэзюмаваў мужчына.

Праверка

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com