Ілон Маск зрабіў Starlink для Ірана бясплатным

Каб пратэстоўцы мелі доступ да інтэрнэту.

Кампанія Ілона Маска SpaseX цяпер прапануе бясплатны доступ да Starlink у Іране на фоне смяротных пратэстаў і шматдзённых адключэнняў электрычнасці.

Пра гэта паведамляе Bloomberg.

Па словах Ахмада Ахмадзіяна, выканаўчага дырэктара амерыканскай арганізацыі Holistic Resilience, якая працуе з іранцамі над забеспячэннем бяспечнага доступу да інтэрнэту, кампанія SpaceX адмяніла абаненцкую плату за Starlink у Іране. Такім чынам уладальнікі тэрміналаў могуць карыстацца паслугай бясплатна.

Крыніца, знаёмая з дзейнасцю Starlink, таксама пацвердзіла бясплатнасць паслугі.

Хоць тэрміналы Starlink і забароненыя ў Іране, многія з іх, нягледзячы на рызыку, былі перапраўлены кантрабандай праз мяжу краіны. Ахмадзіян у тэлефонным інтэрв'ю з Bloomberg ацаніў, што ў Іране больш за 50 тысяч такіх прылад.

Па словах Аміра Рашыдзі, дырэктара па лічбавых правах праваабарончай арганізацыі Miaan Group, іранскія вайскоўцы працуюць над падаўленнем сігналу Starlink і адсочваюць карыстальнікаў.

У прыватнасці, у аўторак іранскі дзяржаўны тэлеканал IRIB News паведаміў, што ўлады канфіскавалі «буйную партыю электроннага абсталявання, якое выкарыстоўваецца для шпіянажу і сабатажу», уключаючы прылады, якія на відэазапісе выглядаюць як тэрміналы Starlink.

Bloomberg адзначае, што Рашыдзі таксама пацвердзіў бясплатны доступ да паслуг Starlink у Іране.

Паводле дадзеных NetBlocks, арганізацыі, якая адсочвае стан інтэрнэт-злучэння, агульнанацыянальнае адключэнне інтэрнэту ў Іране працягваецца ўжо пяць дзён, пазбавіўшы мільёны людзей доступу да анлайн-паслуг.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com