У царкве пад Мінскам знайшлі амерыканскі «Вінчэстар»

Фотафакт.

Пад царкоўнай падлогай у вёсцы Ракаў Валожынскага раёна выявілі амерыканскую вінтоўку. Гэта «Вінчэстар» з рычагам. Пра гэта 14 студзеня паведаміў у Facebook настаяцель храма Ператварэння Гасподняга Сяргей Лепін.

«Сёння мы раззброіліся… Падчас рамонтна-будаўнічых прац пад падлогай у нашым храме рабочыя выявілі вось такі цудоўны экзэмпляр… Winchester Model 1895 — амерыканская магазінная вінтоўка з рычажным узводам, распрацаваная Джонам Браўнінгам і запушчаная ў вытворчасць кампаніяй «Вінчэстар» у 1895 годзе», — напісаў Лепін.

У 1915–17 гадах каля 300 тысяч такіх вінтовак было выраблена для Рускай імператарскай арміі; са складскіх запасаў царскага часу яны траплялі на ўзбраенне Чырвонай гвардыі і Чырвонай арміі.

«Падчас Другой сусветнай вайны ў падвалах нашага храма хаваліся і дагойваліся параненыя партызаны. Відаць, гэта ад іх да нас і прыляцела вось такое нечаканае прывітанне.

На жаль, паводле закона такія рэчы нельга пакідаць для мясцовых музеяў. Выклікалі міліцыю і перадалі. Нейкія мы зусім не партызаны», — паведаміў Лепін.

Зазначым, што Winchester Model 1895 — нашчадак легендарнай, таксама рычажнай, Winchester Model 1873. Гэта зброя карысталася велізарнай папулярнасцю, вядомая як «ружжо, што заваявала Захад». Убачыць яе часта можна, напрыклад, у вестэрнах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com