Макрон: Дзве траціны разведвальных даных для Украіны забяспечвае Францыя

Парыж у гэтым аспекце замяняе ЗША.

Прэзідэнт Францыі Эманюэль Макрон заявіў, што Францыя забяспечвае дзве траціны разведвальных даных для Украіны, замяніўшы ў гэтым аспекце ЗША.

Пра гэта Эманюэль Макрон сказаў падчас выступлення перад вайскоўцамі на базе Істр-Ле-Тюбэ.

Паводле слоў Макрона, змены пачаліся пасля таго, як у сакавіку 2025 года ЗША прыпынілі абмен разведвальнымі данымі з Украінай у межах палітычных дамоўленасцяў па мірных перамовах з Расіяй.

З таго часу Еўропа ўзяла на сябе ключавую ролю ў падтрымцы Кіева, у прыватнасці праз кааліцыю з больш як 30 краін, якая прадастаўляе Украіне фінансавую і тэхнічную дапамогу.

«Калі год таму Украіна надзвычай залежала ад амерыканскіх разведвальных даных, то сёння дзве траціны інфармацыі паступаюць ад Францыі», — заявіў Макрон у сваім звароце да французскіх вайскоўцаў.

Паводле Макрона, французскія службы каардынуюць і перадаюць украінскім войскам разведвальную інфармацыю, неабходную для планавання ўдарных аперацый і абароны.

«Сігнал, які мы пасылаем украінскім партнёрам, іншым еўрапейцам і ўсяму свету, — у тым, што мы гатовыя. Мы гатовыя падтрымліваць гэтыя намаганні супраціву. Мы гатовыя стрымліваць новыя агрэсіі або забяспечваць мір на нашай зямлі», — дадаў прэзідэнт Францыі.

У Міністэрстве абароны Францыі не каментавалі гэтыя заявы Макрона, але пацвердзілі, што значная частка прадастаўленых даных мае тэхнічнае паходжанне і не залежыць ад ЗША. Былы міністр абароны Францыі Сэбасцьен Лекорню адзначаў, што ўласныя разведвальныя даныя Францыі здольныя кампенсаваць частковае спыненне амерыканскай падтрымкі, забяспечваючы Украіну неабходнай аператыўнай інфармацыяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com