Кандыдат на пасаду пасла ЗША ў Ісландыі заявіў, што краіна стане «52-м штатам»

Яму давялося выбачацца.

Былы член Палаты прадстаўнікоў Злучаных Штатаў Білі Лонг, якога прэзідэнт Дональд Трамп вылучыў на пасаду пасла ў Ісландыі, пажартаваў пра верагоднае ператварэнне краіны ў «52-і штат» ЗША. Пра гэта 14 студзеня напісала Politiсo.

Паводле звестак СМІ, такую заяву Лонг зрабіў 13 студзеня, размаўляючы з членамі Кангрэса.

Пасля «жарту» ў Міністэрстве замежных спраў Ісландыі па запыце мясцовых СМІ заявілі, што звязаліся з пасольствам ЗША і хочуць праверыць праўдзівасць сцвярджэнняў. Акрамя таго, жыхары Ісландыі запусцілі петыцыю, у якой заклікаюць адмовіць Лонгу ў прызначэнні.

«Гэтыя словы Білі Лонга, якога Дональд Трамп вылучыў на пасаду пасла ў Ісландыі, магчыма, былі сказаныя паўголаса, але яны зняважлівыя для Ісландыі і ісландцаў, якім давялося змагацца за сваю свабоду і якія заўсёды былі сябрамі ЗША», — гаворыцца ў петыцыі.

Пасля рэзанансу Лонг пацвердзіў Arctic Today, што гэта быў жарт. Маўляў, прысутныя ў Кангрэсе заканадаўцы пачалі жартаваць з яго, што, маўляў, спецыяльны пасланнік прэзідэнта ЗША Джэф Лэндры «стане губернатарам Грэнландыі», і ён так адрэагаваў.

«Нічога сур'ёзнага ў гэтым не было... Калі гэта кагосьці пакрыўдзіла, я прашу прабачэння», — сказаў Лонг.

Ён таксама дадаў, што з нецярпеннем чакае магчымасці працаваць з народам у Ісландыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com