The Times: У Купянску суадносіны страт РФ і Украіны дасягнулі абсалютнага рэкорду

Контрнаступленне ЗСУ абярнулася сапраўдным разгромам для расіян.

Падчас контрнаступлення Сіл абароны ў Купянску цягам апошніх тыдняў расійскія страты ў баях за горад у 27 разоў перавысілі страты Украіны на гэтым участку. Пра гэта піша The Times (пераклад — «УНІАН») са спасылкай на даныя брытанскай выведкі.

Паводле дадзеных выдання, мінулага тыдня брытанскіх чыноўнікаў праінфармавалі пра «суадносіны забойстваў» на расійска-украінскім фронце ў кантэксце здольнасці Украіны адваёўваць сваю тэрыторыю ў баях супраць ворага, які пераўзыходзіць колькасцю.

Неназваны суразмоўца журналістаў у брытанскім абаронным ведамстве адзначыў, што па стане на канец снежня перад Калядамі ў акружэнне на тэрыторыі Купянска трапілі да 200 расійскіх вайскоўцаў. Колькі дакладна расіян загінула падчас украінскага контрнаступлення, не ўдакладняецца. Але ў цэлым расійскія страты ў гэтым раёне на працягу мінулага года ацэньваюцца ў тысячы.

The Times таксама піша са спасылкай на дыпламатычныя крыніцы, што яны не бачаць ніякіх прыкмет гатоўнасці Пуціна пайсці на кампраміс і адмовіцца ад сваіх максімалісцкіх патрабаванняў у дачыненні да Украіны, нягледзячы на велізарныя страты Расіі і адсутнасць значнага прагрэсу на фронце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com