Беларускія вучоныя паразважалі, ці зможа сучасны чалавек выжыць у дзікай прыродзе

Іх меркаванні падзяліліся.

Беларускія вучоныя — біёлаг і фізіёлаг — у эфіры праўладнага СТВ паразважалі пра тое, ці здольны сучасны чалавек выжыць у дзікай прыродзе — улічваючы, што пры ўсім сваім развітым мозгу ён не можа параўнацца ва многіх здольнасцях з жывёламі. Іх меркаванні падзяліліся, заўважыла «Zerkalo».

Як сцвярджае загадчык лабараторыі Рэспубліканскага цэнтра экалогіі і краязнаўства, біёлаг Іван Русскіх, чалавек «як жывое цела без тэхналогій надзвычай уразлівы».

— Існуюць даследаванні: за колькі дзён, а часам і гадзін, чалавек загіне, калі голы апынецца сярод лесу. То бок ні вады, ні ежы, процьма камароў, нейкія небяспечныя жывёлы. То бок надзвычай уразлівы без тэхналагічнай падтрымкі, — лічыць вучоны.

Аднак ёсць і іншы погляд — яго агучыла загадчыца Цэнтра мозгу Інстытута фізіялогіі НАН Беларусі Святлана Пашкевіч. На яе думку, людзі здольныя жыць у добрых умовах, але могуць вярнуцца і да першародных.

— Тое, што гэта пакуль яшчэ магчыма, і я ўпэўненая, што і ў будучыні будзе магчыма, — сведчыць пра тое, што ўсё, што ў нас закладзена, генетычна ў нас захоўваецца. Калі чалавек вымушана аказваецца ў такой сітуацыі (сярод дзікай прыроды. — Заўв. рэдакцыі), адразу ўсё ўспамінае. Мала таго, заўважана, што калі чалавек захоўвае гэты рэжым рухальнай актыўнасці, у яго няма тых захворванняў, якія мы цяпер называем пошасцю сучаснай цывілізацыі, — атлусценне, кагнітыўныя засмучэнні. То бок тая прыродная рыса і тыя звычкі, што выпрацоўваліся ў нас стагоддзямі, — залог нашага здароўя, — кажа фізіёлаг.

Назіранні пацвярджаюць, што чалавек пры жаданні выжыве ў найцяжэйшых умовах, гаворыцца ў сюжэце.

— Вам здаецца, што вы такі цывілізаваны чалавек. Вось у вас ежа — гэта вы не будзеце есці. Не, калі вы будзеце галадаць, вы будзеце есці ўсё, нават пацука і нават земляных чарвякоў. Абсалютна нармальна чалавек гэта пераносіць. Гэта экстрэмальная сітуацыя, калі самы галоўны закон, які існуе ў прыродзе, — выжыць любым коштам. І не толькі выжыць любым коштам, але і размножыцца і пакінуць пасля сябе патомства, — рэзюмавала Пашкевіч.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com